Salsidu kalean arrapala mekanikoak jartzeko proiektuan zehaztutako obrak egiten dabiltza jada. Hain zuzen, arrapalen euskarri izango diren hobiak egiten hasi dira. Udal iturriek zehaztu dutenez, "Salsidu kalearen ezaugarri geometrikoak kontuan harturik, baldintza egokietan eta segurtasunez lan egiteko beharrezkoa da trafikoa moztea", Gaztelumendi kaletik Bolue kaleraino, abenduaren 17ra (astelehena) bitartean, honakoak kontuan harturik:
- Salsiduko etorbideak Gaztelumendi, Iturgitxi eta Kasune kaleekin dituen bidegurutzeak trafikorako zabalik egongo dira.
- Garajeetan sartzea uneoro baimenduko da.
- Illeta kalea, Bidebarri kaletik Salsiduko etorbideraino, noranzko bikoitzekoa izango da garajeetan sartzea ahalbidetzeko.
- Azaroaren 22tik (osteguna) abenduaren 17ra (astelehena) bitartean egin beharreko mozketa etengabea izango da.
- Seinaleei kasu egin eta barkatu eragozpenak.
Astelehen honetan, azaroak 26, Alango eta Martikoena kaleen artean, Algortako osasun-zentro berria egiten ari den enpresak, asfaltoa jartzeko lanak hasiko ditu. Hori dela eta, trafikoa moztuta egongo da Alango kalean, Foru eta Martikoena arteko tartean zehazki. Seinaleei adi egoteko eta eragozpenak barkatzeko eskatu du Getxoko Udalak. Bestalde, abenduaren 3an, San Inazio kalea eta Negubide kaleko tarte bat (Avanzada eta Cervantes kaleen artekoa) hasiko dira asfaltatzen eta, ondorioz, kale hori ere egongo da moztuta egun horretan. Bitartean, moztuta jarraitzen du Algortako Salsidu kalea eta horrela egongo da abenduaren 17ra arte. Arrapala mekanikoak jartzeko lanak egiten dabiltza bertan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun