Astelehen honetan bertan abiatuko dira, Getxoko
Txorimalo gaztetxean, Ez Jaun Ez Jabe erakunde ezkertiarrak antolatutako "Azaro Libertarioa" lelopeko jardunaldiak. Besteak beste, Uribe Kosta eskualdeko gaztetxeetan emango diren sei hitzaldik osatuko dute ekimena; eta gaur bertan, "Sobre el movimiento de los sin tierra M.S.T." izenekoa eskainiko dute, 19:30etik aurrera, lehen aipatu lekuan. Asteartekoa ere toki eta ordu berean izango da, "Improbable armonia. Los grupos autónomos vascos en los 80 y 90" izenburuarekin. Asteazken eta ostegunean, berriz, Itzubaltzeta / Romoko
Itzubaltzeta gaztetxera egingo dute salto jardunaldiek "Movimiento anarquista en Filipinas" eta "Vivencias de la contracumbre del G8 en Alemania" solasaldiak eskainiz, hurrenez hurren, 19:30etik aurrera. Ostiral eta larunbatean, azkenik, Leioako
Udondo gaztetxeari helduko zaio txanda: "¿que paso en Oaxaca?" eta "Los 70. Grupos autonomos en Valencia" emango dituzte bertan. Lehengoa ostiralean, 19:30ean, eta bigarrena, larunbatean, 17:00etan. Jardunaldiei amaiera emateko kontzertua izango da azken solasaldia amaitu eta gero, 20:00ak aldera. Argazkian, Filipinetan aurtengo maiatzean egindako udal hauteskundeetarako abstentzio aktiboaren aldeko kartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun