Getxoko Udaltzaingoak J.M.P.G. 30 urteko gaztea atxilotu zuen larunbatean Algortan bere bikotekideari hainbat bider eraso egin diolakoan. Udaltzaingoak zabaldu duenez, larunbatean tratu txarren eta sexu erasoen biktima izan den emakumea bera jarri zen kontaktuan haiekin, bere egoeraren berri eman eta mutil-laguna salatzeko. Azken erasoa larunbatean bertan jazo zuen goizeko 3:00ak aldera, Amezti kaleko bikotearen etxean, ika-mika baten ostean. Orduan mutilak jo egin ei zuen eta neskak alde egiten saiatu zen arren ustezko erasotzaileak ez zion etxetik ateratzen utzi. Ondoren, gizonak berak egin zuen alde etxetik, eta une hori baliatu zuen andrak udaltzainei telefonoz deitzeko. Udaltzain talde bat joan zen bere etxera eta ikusi ahal izan zuten salaketa ipini zuen andrak ubeldurak zituela. Basurtuko ospitalera lagundu zuten sendagileek emakumea azter zezaten. Argazkian, pasa den igandean Bilgune Feministak emakumeen aurkako erasoak ekiditeko norberak bere ardurak hartu eta jendartean erasotzaileak baztertzera deitu zuen.
Ustezko erasotzailea, berriz, goizeko 09:30ean atxilotu zuten, polizi patruila batek Algortako erdiguneko garaje batean aparkatuta zegoen bere autoaren barruan lotan zegoela aurkitu eta gero. Salatzaileak emandako bertsioaren arabera, soilik sei hilabete eman dute elkarrekin bizitzen Amezti kaleko etxe batean eta han izan den bitartean hainbat eraso fisiko jasan behar izan ditu, sexu eraso bat barne, eta gogorrak ere entzun behar izan ditu. Neskak esan du, denbora guzti honetan, ez dela ospitalera joan lotsagatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun