Ideia da programa datu-base “bizi” edo eguneratu batekin osatzea, horrela, Udalari saltokiaren jabearen edo edozein daturen aldaketa eskatzen zaionean, aipatu datu-basean ere berehala jaso ahal izateko aldaketa horiek. Bigarren helburu bat izango da aldian-aldian udaltzainek denda eta saltoki guztiak bisitatzea, udal iturrien arabera. Hauek saltokietako jabe eta beharginei segurtasunaren, udal ordenantzen edo Euskal Autonomi Erkidegoko edota Espainiako beste edozein araudiren ganeko informazioa eskainiko diete, hala eskatuz gero. Halaber, jabe eta beharginek adierazitako kezka, beharrizan eta iradokizunak bilduko dituzte. Horrekin, dendetan segurtasun neurririk ahulenak zeintzuk diren jakiteaz gain, ohostu egin duten saltokietan lapurreta horiek egiteko arrazoi eta moduak ezagutzea lortu nahi du Herritarren Segurtasunerako Arloak.
Auzozainak
Gunean guneko saltokien ezaugarriak kontuan hartuta, auzozainak eta aurrezaintza neurriak sortzeko estrategiak abiatzea izango da hirugarren helburua. Halaber, Argiketa Unitatearen zerbitzua eskainiko zaie, salaketa jarri nahi eta udaltzain-etxera hurbiltzerik ez duten saltokietako ugazabeei, udaltzainak dendara bidaltzeko salaketa jaso aldera. Egitasmo honen berri eman eta salerosleei laguntza eskatzeko, Imanol Landa alkateak batzarra egingo du laster batean sektoreko ordezkariekin.
Udalerriko dendak Informatu, Aurrezaindu eta Laguntzeko Udaltzain Unitatea sortzeko erabakia hartu berri du Getxoko Udalak. Neurria Legegintzaldi Planeko Herritarren Segurtasunerako atalean jasotzen da 2008-2011 aldirako estrategia gisa. Imanol Landa alkateak nabarmendutakoaren arabera, “merkatariekiko harremana izateko bide zuzena egokitzea da asmoa eta, horrekin batera, ahal den guztian polizi lan 'pertsonalizatua' egitea, ahal bada, bereziki herriko alor estrategiko honi, eta oro har, herritar getxoztarrei zuzendutako segurtasuna hobetzea ere bai”. Unitate horren egin behar nagusia informazioa batu eta, horretarako beren beregi sortutako programa informatiko batean, herriko saltokietako nagusien eta beharginen datuak eta telefonoak jasotzea da; egun dagoen basea gaurkotzeko. Horretaz gain, saltoki bakoitzeko segurtasun eta alarma sistemen ganekoak bilduko dituzte. Argazkian, Getxo udalerriko udaltzain bat Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun