Abenduaren 4ean, asteartearekin, Getxoko Boluntarioen XIV. Topaketa izango da Algortako Villamonte kaleko kultur etxean, Getxo udalerriko Boluntariotza Erakundeen Federazioak (FEGEVOL) antolatuta. “Bestelako munduak, bestelako pertsonak, bestelako borondatezko lanak” lelopean, Jardunaldiaren egitarauari dagokionez, 18:30ean hasi eta bi orduz luzatuko da jardunaldia. Inaugurazio ofizialaren ostean, FEGEVOLen webgune berriaren aurkezpena izango da, 18:45ean, eta horrekin batera hitzaldia emango dute. Azkenik, 20:15ean urteko boluntario eta erakundearen sariak banatuko dituzte, ezinbesteko luntxa baino lehen. Argazkian, sarien banaketa, igaz.
FEGEVOL 18 elkartek osatzen dute gaur egun eta bere helburuak euren lana gizartean zabaltzea, jarduerak sustatzea eta boluntarioak bereganatzea dira. Hori dela eta, urtero antolatzen du boluntarioen topaketa, “horien lana ezagutzera emateko eta, aldi berean, hori sustatu, bildu eta hausnarketarako gunea izateko”, azaldu du Elena Coria Udal Gizarte Zerbitzuetako zinegotziak, topaketaren aurkezpenean. Oraingoan, “bestelako munduak eta bestelako borondatezko lanak ezagutzera eman nahi dituzte, eremu ezberdinetan, herrialde ezberdinetan eta erakunde ezberdinekin lan egiten duten pertsonen lekukotasunen bidez” gaineratu du tokiko arduradunak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun