Bestalde, larunbatean, eguerditik aurrera, 60 bat lagun ospatu zuten Independentzia Eguna Itzubaltzeta / Romon. Bertan, trikitilari, txistulari, adarjole eta pandero jolez lagundurik, herri poteoa egin zuten, ondoren bertso-hamaiketako-bazkaria egiteko Branka kultur elkartean.
Arazoak Erandion eta Leioan
Erandion, berriz, Ertzaintzaren bi patruila-autok 40 lagunek parte hartu zuten auto karabana jarraitzen jardun zuten, baina ondoren EAEkoek egin zituzten elkarretaratzea eta herri bazkarian arazorik gabe burutu ziren. Istiluak, ordea, Leioan izan ziren. Bertako ekintzaileek salatu dutenez, Leioako udaltzainek independentziaren aldeko pankartak jarri zituztenak identifikatzeari ekin zioten "era harroputzez", baina auto karabana eta herri bazkaria egiteko ez zuten oztoporik izan bildutako 35 lagunek. Triki kalejiran berriro ere, poliziek espaloia autoekin oztopatu zuten hainbat bider, EAEk zabaldutakoaren arabera. Sopelan ere, EAEren dozenaka jarraitzailek ospatu zuen Independentzia Eguna goiz zein arratsaldean.
Independentzia Egunean abiatutako aldarriarekiko atxikimenduak biltzen jarraituko du EAEk
Pasa den larunbatean, hilak 24, Terrorismoaren Biktimen Elkarteak (AVT) Madrilen bere ilegalizazioa eskatzen zuela, Independentzia Eguna ospatu zuen Eusko Abertzale Ekintza (EAE) alderdiak Euskal Herriko makina bat herritan, tartean bertako Erandio, Leioa, Itzubaltzeta / Romo, Algorta eta Sopelan. Algortan, alderdiak kaleratutako independentziaren aldeko aldarriarekiko atxikimendua sinatu zuten dozenaka lagun EAEk ordu batez Telletxe kalean jarri zuen mahaian. Baina, egun horretan bakarrik ez baizik eta astegun guztietan posible izango da dokumentu hori sinatzea Algortako Torrene kaleko EAEren bulegoan, arratsaldeko 6etatik 8etara. Argazkian, pasa den larunbatean Itzubaltzeta / Romoko EAEko lagunek ateratako argazkia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun