Unibertsitateak egindako balorazioen arabera, "oso garapen handia" izan du Bizkaiko atalak jaio zenetik. Gaur egun 95 irakasle ditu, haietariko erdia baino gehiago proiekzio handiko katedradunak edo irakasle titularrak direla. Beren zereginen artean ikasketa taldeak zuzentzea eta nazioarteko prestigiodun unibertsitateen programetan parte hartzea daude.
2007-08 ikasturtea amaitzen denean Bizkaiko Atalak Ekonomia Zuzenbidea eta Enpresa” lehenengo promozioko ikasleei emango die haien diplomak. Gainera, espezialitate horrez gain, Administrazio Publikoen Zuzenbidea eta Erkidego eta Nazioarteko Zuzenbidea ere irakasten ditu jada.
Bizkaiko gizartearen ordezkaritza zabala
Gaurko ekitaldiaren aurkezpenak Iñaki Goirizelaia Bizkaiko errektoreordeak, Iñaki Azkuna Bilboko alkateak eta Javier Quel Zuzenbide Fakultateko dekanoak egingo dituzte.
Ekitaldira, besteak beste, baieztatu dute bere asistentzia Unibertsitate eta Ikerketarako sailburuordeak, EAEko Auzitegi Nagusiko presidenteak, Bizkaiko Auzitegi presidente eta magistratua askok, fiskalburuak, Kontuen Auzitegiko lehendakaria, Giza Eskubideen zuzendaria, Arartekoaren bulegoko kideek, Bizkaiko Foru Aldundikoek eta Bizkaiko Batzar Nagusietakoek, legebiltzarrekoek, senatariek, ikasleek eta Zuzenbide Fakultateko irakasleek.
EHUko Leioa eta Erandioko campusean dagoen Zuzenbide Fakultatearen Bizkaiko Atalak bere 10. urteurrena ospatuko du bihar, astelehena, abenduak 3, Bilboko Guggenheim Museoan. Ospatze ekitaldia arratsaldeko 19:00etan egingo dute, tartean Daniel Innerarity, Filosofia irakaslea eta Saiakerako Espasa Sariak eta Ricardo Díaz Hochleitner Erroma Klubaren ohorezko lehendakariak “Globalizazioa, Justizia eta Zuzenbidea: XXI Mendeko Erronka Politikoak" hitzaldia eskainiko dutela. Gainera, EHUk zabaldu duenez, jardunaldian Bizkaiko gizartearen hainbat arloko ordezkariek hartuko dute parte. Bizkaiko Atala 1997-98 ikasturtean jaio zen Bizkaian Zuzenbidea ikasi nahi zuten ikasle bizkaitarren beharra betetzeko eta hamar urte pasa ondoren eta seigarren promozioa jada kalean, Zuzenbide Fakultateko Bizkaia Atalak 900 lizentziadun baino gehiago prestatu ditu, haietariko %85a baino gehiago zuzenbide gaietan lan egiten ari direnak. Argazkian, Zuzenbide Fakultatearen Bizkaiko Atala hartzen duen eraikineko fatxadaren zati bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun