2006ko irailean, itsas-txakurra Saharako El Aaiun-en agertu zen Itsas Artikora joan beharrean, eta horregatik Sahara batailatu zuten. Kanariar Irletan, Tenerifen, artatu zuten orduan eta geroago abioiez Ingalaterraraino eraman zuten, Gweek Itsas-Txakurrentzako Nazio Aterpera, hain zuzen. Bertan egon zen 2007ko urriaren 11ra arte, egun horretan bere bidaiaren abiapuntua zen Eskoziako Orkney herriko uretan transmisore bat jarri eta askatu baitzuten, baina berriro ere, orientazioa galdu eta hegoalderantz jo zuen, eta 2.000 kilometro egin zituen Lea Artibaiko kostaldera heldu arte, leher eginda, fisikoki baldintza kaskarretan eta depresioak jota. Hori dela eta, oldarkor agertu zen Base Gorria ekimen foraleko kideek harrapatu zutenean.
Gorlizko Fauna Basatiaren Suspertze Zentroan sartu zenean, Sahara Zainketa Intentsiboetako Unitatera (ZIU) eraman behar izan zuten, 60 kilo baino ez zituela. ZIUn Iñaki Intxaustik gidatutako talde oso bat zaintzen izan du, suero, antibiotikoak, bitaminak eta abar eman dizkiona. Era berean, hainbat azterketa egin dizkiote Saharari, osasun egoera baieztatzeko. Bestalde, egunero 20 arrain jaten ibili da eta igeritokia eta etxalde bat izan ditu, izotzez inguratuak bera hobeto egokitzeko.
Sahara itsas-txakurra Gorliztik Ingalaterra eraman dute
2007ko abe. 4a, 21:42
Sahara itsas-txakurra gaur goizean lekuz aldatu dute, Gorlizko Fauna Basatiaren Suspertze Zentrotik Ingalaterrako Kornualles eskualdean dagoen Gweek Itsas-Txakurrentzako Nazio Aterpera. BIzkaiko Foru Aldundiak jakinarazi duenez, itsas-txakurraren osasun egoera bermatzeko, operatiboa "neurri egokiekin eta kontu handienarekin" egin dute Gorlizko eta Gweek-eko zentroen adituek eta Nekazaritza eta Arrantza Foru Arloko kideek. Goizeko 8:30ean Sahara Santaderreko porturako bidean jarri dute, bere erosotasuna ziurtatzeko egokitutako kajoi batean. Santanderretik zuzenean abiatu da Kornuallesera. Foru Aldundiko iturriek zehaztu dutenez, Saharak zailtasunak ditu bere kabuz bizitzeko eta horregatik aritu ziren Gweek bezalako zentro batera eramateko, bertan "baldintzarik onenak" baitaude. Sahara azaroaren 11an agertu zen Ondarroan eta azalean zeraman txipagatik identifikatu zuten. Osatu arte Gorlizko zentroan izan da.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun