Kudeaketa administratiboari buruzko hitzaldiak emango ditu Getxoko Behargintzak
Getxoko Behargintzak enpresen kudeaketa administratiboari buruzko hitzaldi-informatiboak antolatu ditu. Hitzaldien helburuak bi dira, udal iturrien arabera: alde batetik, esparru horretan lan egin nahi dituzten langabetuei informazioa eskaintzea, merkatuan gaur egun alor horretan dagoen eskaintza zein den jakinaraztea, enpresek eskatzen dutena aipatu, eta enplegu zentroak kudeatzen dituen eskaintzak zeintzuk diren azaldu; eta bestaldetik, Behargintzak esparru horretan eskaintzen duen prestakuntzari buruzko informazioa eman. Getxo Ekinean III egitasmoaren barnean kokatzen dira hitzaldi horiek, eta asmoa, lana aurkitzeko zailtasunak dituzten pertsonei laguntza eskaintzea da. Hitzaldi-informatiboak Argia Fundazioan egingo dituzte (Hirutasun kalea, 10- B, Algorta) abenduaren 10ean 9:30ean, eta abenduaren 13an, 12:30ean.
Interesa duten pertsona guztiek joateko aukera izango dute, aldez aurretik Behargintza zentroan konfirmatuz gero. Telefono zenbakia: 944 660 140. Posta elektroniko helbidea: behargintza[abildua]getxo.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun