Saioa zuzenean, internetez, webcam-en bidez eta Bilbo Hiria irratitik entzuteaz gain, Twitter-ren bidez segimendua egin zuten hainbat internauta. Komunikabide konbentzionalek, berriz, huts egin zuten.
Patxi Gaztelumendiren oharra Zabaldu.com-en:
Zorionak eta mila esker guztioi [irratia.com 100]
Zelan eskertu ez dakigu, zuen berotasuna ez da gure iPodean sartzen, barre egin genuen, ondo pasatu genuen, gogoeta egon zen, kontzientzia ere astindu zigun Martxelo Otamendik, bideoak ikusi, musikariak aditu... eta gainera elkarrekin egoteko parada izan genuen. Orain, technorati-n http://technorati.com/search/irratia.com begiratu eta bai, badirudi blogosferan ere oihartzun apur bat izan duela. Baina dudarik gabe, beste behin Teknopataren umorea gailendu da. Eskerrik anitx Mariano. España ba bien, eta gurea aurrera doan herria.
irratia.com-ek bere 100. irratsaioa burutu eta ospatu zuen atzo, Bilboko Kafe Antzokian, 22:00etatik 24:00etara, saio bikain eta bikoitza eginez. Beti legez, Patxi Gaztelumendi eta Jabi Zabala kazetariek gidatuta, hasieratik "euskal kultura digitalizatu eta kultura digitala euskalduntzea" helburu duen Euskal Herriko lehenengo irrati digitala eta, gainera, euskaldunak entzulerik aseezinena ere bapo utzi zuen. Saioan zehar entzun eta ikusi genituen Katixa Agirrek propio egindako sarrera; Irratia.com-en hasierak etb-ko bideotan; Fermin Muguruzarekin izandako lehenengo elkarrizketaren anekdotak; irratia.com-en bideo berriak; Durangoko azokako Olentzero katalana; Gu, Petti eta Olegarioren kantak; Kukubiltzok Keith Johnsoni buruz egindako antzezlana eta taldearen urteurrenari buruzko elkarrizketa; "Euskaldunon Egunkaria"k gaur beteko lukeen 17. urteurrenaren eta oraindik zabalik dagoen sumarioaren harira Martxelo Otamendiri egindako elkarrizketa mamitsua, entzulego osoa adi-adi eta isil-isil zegoela; Bilbo Hiria Irratiaren 10. urteurrena eta hainbat saiotako aurkezleen abenturak; Sareko Argiaren 10 urteak; Mik eta Yok-en "Burp" erreportaje undreground urbanitak; eta askoz gehiago...
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun