Ikasle Abertzaleen balorazio oharra:
Gaur, abenduaren 6an, Konstituzio espainiarraren egunean, jai egun arrotzei intsumisoa eginez eta egutegi propioaren eta Hezkuntza Sistema Nazionalaren aldeko borrokan pausu bat gehiago eman dugu euskal ikasleok.
Herri Eskolen dinamika guztiz egonkortua dagoela esan dezakegu eta gainera, urtetik urtera gero eta gehiago dira jai egun arrotzetan klasera gerturatzen diren ikasleak. Iaz baino 300 bat gehiago aurten.
Tamalez, berriro ere jazarpen poliziala gogor salatu beharrean aurkitzen gara. Nafarroan Herri Eskola bat bertan behera geratu baita Polizia Nazionalaren mehatxupean, eta beste zenbait lekuz aldatu behar izan dira. Horrez gain, gaurko egunez jai egun arrotzei intsumisioa eginez eskolara joan diren zenbait ikasle identifikatu ditu Polizia Nazionalak Nafarroan (Biurdana, Eunate, Iturrama) eta Ertzaintzak Euskal Autonomi Erkidegoan Santutxu eta Basaurin bezala. Hain zuzen ere, Basaurin eskola kanpoan batuta zeuden ikasle guztiak identifikatu ditu polizia autonomikoak. Debako Herri Eskoletan eta Oarsoaldeko manifestazioan ere jarrera probokatzailea izan dute. Gasteizen, inor identifikatu ez arren, Herri Eskolak burutu diren tarte guztian zehar alboan izan dira, argazkiak ateratzen eta grabatzen.
Ia ehun ikaslek parte hartu dute Uribe Kosta eta Erandioko herri eskoletan
2007ko abe. 7a, 00:43
Ikasle Abertzaleak (IA) erakundeak zabaldutako datuen arabera, 93 neska-mutilek parte hartu dute gaur Uribe Kosta eta Erandioko sei ikastetxetan egindako herri eskoletan. "Egutegi propioa eraikiz, borrokak egingo gaitu!" lelopean, Espainiako Konstituzioa ospatzen duen jai egunari intsumisioa egin eta 20 ikasle eta 2 irakasle izan dira Erandioko Altzaga ikastolan, 8 ikasle eta 2 irakasle Sopelako Ander Deunan eta 11 ikasle eta langile bat Algortako San Nikolasen. Institutuei dagokienez, 30 ikasle eta 3 irakasle izan dira Getxoko Aixerrotan, 14 ikasle Itzubaltzeta / Romoko Artatza-Romon eta 10 ikasle eta irakasle bat Leioako Barandiaranen. Herri eskolen balorazioa ere luzatu du IAk, "jai egun arrotzei intsumisioan pauso berri bat eman, eta hala, egutegi propioaren nahiz hezkuntza sistema nazionalaren aldeko borrokan pauso berritzat" joz gaurko eguna. Dena den, "indar errepresiboek jarritako traba eta oztopoak" salatu dituzte aurten ere. Argazkian, goizeko herri eskolak Altzaga ikastolan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun