Gabonetarako tenis eta padel txapelketak antolatu dituzte Barrikan
2007ko abe. 10a, 23:59
Ohikoa denez, Barrikako Abaroa Tenis Kirol Taldeak III. Gabonetako Tenis Lehiaketa Soziala antolatu du. Padel txapelketa lehenengo aldiz jokatuko dela izango da aurtengo nobedadea. Biak ala biak abenduaren 22tik 31ra bitartean jokatuko dira, asteburuak barne hartzen, Alberto Vidal Landa tenis klubaren entrenatzaileak jakinarazi duenez. “Tenisean bi kategoria bereiziko ditugu, federatuak (lizentzia behar dute horiek) eta federatu gabeak, kontsolazioan zuzenean sartzen direnak”, azaldu du Vidalek. Igaz, Peio Ortega izan zen lehiaketaren irabazlea, maila absolutuan, eta Alvaro sendotze mailan. Emakumezkoetan, Leire Alberdi suertatu zen garaile eta haur-kategorian, Peio Ortegak berretsi zuen aurreko urteko lehenengo postua. Argazkian, Barrikako tenis taldeko hainbat kide.“Aurten jokalarien artean maila hobeagoa izatea espero dugu, kirolari berriak eta oso onak sartu baitira klubera, Maitane Pernaut jokalaria eta entrenatzailea, besteak beste”, azpimarratu du klubeko entrenatzaileak. Bestalde, padelean, partaideek oinarrizko maila izango dute. “Horrexegatik kide eta ikasle guztiei izena emateari animatzen diegu”, esan du Vidalek. Lehiaketetan parte hartzeko Barrikako udaletxean erregistratuta egon beharko dute klubeko bazkideek. Horiek beraien artean edo bazkidea ez den beste pertsona batekin bikoteak osatu beharko dituzte. Halaber, padel ikasleek beraien artean bikoteak egin beharko dituzte. Gizonezko eta emakumezko kategoriak bereiziko dira eta partaideek 16 urtetik gora izan beharko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun