Garbiketa zerbitzuetako behargina izateko ikastaroan izena emateko epea luzatu dute

Getxoko Behargintzak hilaren 21era arte luzatu du garbiketa zerbitzuetako behargina izateko Ikastaroan izena emateko epea. Trebatze ikastaro hori, aipatu sektorean lan egin nahi duten Getxoko Gizarte Zerbitzuetako erabiltzaileentzat antolatu dute. Trebatze planaren barruan ikastaldi teoriko-praktikoa izango da eta ondoren Udalak sei hilabeterako lan kontratua egingo die bertan parte hartuko dutenei. Horretaz ere baliatuko dira ikasten jarraitzeko. Interesa duten pertsona guztiek joateko aukera izango dute, aldez aurretik Behargintza enplegu eta ekonomi garapenerako laguntza bulegoan ikastaroaren gaineko argibide gehiago jaso ahal izango dutela. Telefono zenbakia: 944 660 140. Posta elektroniko helbidea: behargintza[abildua]getxo.net.