"Une hauetan" herriko tabernak ez bahitzea erabaki du Auzitegi Gorenak

Hiru ordu inguru bilduta egon ostean, "une hauetan" herriko tabernak ez bahitzea aho batez erabaki dute, aho batez, Espainiako Auzitegi Goreneko 61. areto berezia osatzen duten 16 magistratuek, "juridikoki ezin delako frogatu Batasunarenak direnik". Hain zuzen ere, horiek norbabanakoen izenean daudela argudiatu dute epaileek eta, hortaz, ostatu haien bahiketa "jabetza pribatuaren kontrakoa" litzateke. Alabaina, zabaldutako oharrean adierazi dutenez, "hartutako erabakiak ez du kentzen parte betetzaileek ezin izango dutenik haiek estalgabetzeko ekintzarik gauzatu", ondasunon jabeak zeintzuk diren argitze aldera. Argazkian, herriko tabernen miaketa salatzeko, 2006ko urriaren 24an egindako protesta.