Xavier lasai dago amarengandik banatuko delako, triste ordea neska-lagunarengandik, Martinengandik, bereizi beharko duelako (Audrey Tautou). Bartzelonara iristean pisu bila hasiko da eta azkenik apartamentu bat aurkituko du erdigunean; beste sei pertsonekin biziko da bertan. Pisukide bakoitza Europako herrialde ezberdin batekoa da: Italia, Ingalaterra, Danimarka, Belgika, Alemania eta Espainia. Pisukide guztiak egoera berean daude, Bartzelonan ikasten europar unibertsitateen artean egiten den Erasmus ikasle-trukeen programari esker. Europar ikasleek osaturiko komunitate txiki honek urtebetean izandako bizipenak azaltzen ditu filmak.
"Invisibles"
Ostegun honetan, abenduak 13, "Invisibles" proiektatuko dute, Leioa eta Erandioko campusean, EHU %0,7 Fondoak antolatutako "Munduaren beste aurpegia" zine solidarioaren asteari bukaera emanez. Pelikulak dokumentu eta fikzioa nahasten dituzten bost istorio biltzen ditu, gobernu, erakunde, enpresa eta hiritarrek ahaztuta dituzten pertsonei ahotsa emateko asmoz. Mariano Barroso, Isabel Coixet, Javier Corchera, Fernando León de Aranoa eta Wim Wenders dira istorioen zuzendariak. Ekitaldia 16:00etan izango da, liburutegi nagusian.
Erasmus ikasle-trukeen europar programak 20 urte betetzen dituenez, Euskal Herriko Unibertsitateko (EHU) Nazioarteko Harremanetarako Errektoreordetzak eta Asociación Vasca Promover Europa izeneko erakundeak "L'auberge espagnole" filmaren (argazkian) proiekzioa antolatu dute ostegun honetarako, abenduak 13, Leioa eta Erandioko campusean. EHUko iturriek adierazi dutenez, Xavier (Romain Duris) ekonomi zientzietako azken urteko ikasketak Bartzelonan burutu nahi dituen 27 urteko paristarraren istorioa azaltzen du filmak. Urtebete lehenago, aitaren lagun batek Ekonomia Ministerioan lan egin zezakeela ikusarazi zion (lanpostu horretarako nahitaezkoa da gaztelaniaz ondo hitz egitea). Espainiara abiatzen den egunean amak eta neska-lagunak aireportura lagunduko diote. Saioa 12:00etatik aurrera izango da, liburutegi nagusiko hitzaldi aretoan. Bestalde, bihar ere eta toki berean, "Invisibles" filma emango dute, 16:00etan, "Munduaren beste aurpegia" zine solidarioaren asteari bukaera emateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun