Udaltzainek gelditzeko agindua eman zieten biei baina agindua begiratu ere ez egin eta lasterka, batek Areetako etorbiderantz eta besteak Kale Nagusirantz egin zuten ihes.
Autoaren jabea konturatu ere ez
Zubiko plazara heltzean ihes egindako bat harrapatu egin zuten auto baten barrutik jazarpen osoa zekusaten lagun batzuek, udaltzainek azaldutakoaren arabera. Bigarren lagunak, berriz, ihes egitea lortu zuen eta udaltzainek orain nor den jakiteko lanean dihardute.
Ford autoari egindako miaketaren arabera, autoko gidari ondoko atea eta abiarazgailua behartuak izan ziren. Autoaren jabeak ez zekien lapurtu ziotenik eta esan zuen astearteko 20:00ak aldera bere Barakaldoko etxe ondoan utzi zuela aparkatuta. Aipatzekoa da, bitxikeria modura, auto hau 2006an ere lapurtu egin zutela.
Getxoko udaltzainek 19 urteko B.N. gazte bilbotarra atxilotu zuten atzo, asteazkena, Barakaldon auto bat lapurtu zuelakoan. Hainbat udaltzainek EAEko Bide Segurtasunerako Plan Estrategikoaren harira alkoholemia kontrola egiten ziharduten asteazkenean, Areetako Etorbidean. Goizaldeko 3:15ak aldera, hurbiltzen zitzaien Ford Escort markako auto berde bat Andres Larrazabal kalerantz, biratzen ikusi zuten. Horretarako gidariak debekatutako norabidea hartu zuen, "Polizi kontrola ekiditearren" Getxoko Udaltzaingoaren arabera. Udaltzain talde bat atzetik joan zitzaion eta Urkijo kalera iritsitakoan ikusi zuten auto barruan zihoazen bi lagunak autotik irten eta lasterka ihes egiten zutela. Lagun biak gidariaren alboko atetik atera ziren eskumaldean aparkatuta zeuden autoei itsatsita utzi zutelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun