Itzubaltzetan eta Getxon ere kultur ekitaldiak egingo dituzte bihar gaztetxeek

Asteburu honetan Leioako Udondo gaztetxean burutuko den animalien eskubideen aldeko jardunaldiez gain, kultur ekitaldi gehiago antolatu dituzte eskualdeko gaztetxeek. Esate baterako, bihar, ostirala, Itzubaltzeta / Romoko Itzubaltzeta gaztetxeak lagun artean aurkeztuko ditu 2008an burutuko dituen koadrilen arteko txapelketa. Baina, aurkezpenari behar duen maila eman nahian, ez dute horretan soilik utzi eta herriko koadrilentzako triki-txitxiburduntzi-txikiteoa (argazkian, kartela) antolatu dute, 20:00etan Santa Eugenia plazan. Bestalde, Getxoko Txorimalo gaztetxeak, bihar ere, Koska irratiaren jaialdia hartuko du 21:00etatik aurrera. Bertan, Santurtziko Sintonics eta Ondarroako The Incult musika taldeek joko dute. The Incult 70 eta 80 hamarkadetako hainbat talderen bertsioak jotzen adituak dira: Led Zeppelin, AC/CD, Thin Lizzy, Jimi Hendrix, Ramones… eta abar. Sarrera gaztetxean bertan eros daiteke bi euroren truke.