Ferrera penatuta agertu da bozketa boto bakarrengatik galdu egin zutelako (lehenengo bozketan batzordeko kideak zenbatu ziren, 6-6 emaitzarekin, eta bigarrenean horiek ordezkatzen dituzten legebiltzarkideak, 26-25), eta baita "era ulergaitzean, EAJren eta EA, EAE eta Aralarrez osatutako Talde Mistoaren botoekin" galdu zutela ere. Era berean, "ez hankarik ez bururik ez duen egoera horren aurrean" metroaren ordutegia zabaltzearen alde dauden hiritarrei horren berri eman die EBk: "EAE edo Aralarren botoa baino ez genuen behar izan". Ferrerak gogoratu duenez, pasa den legealdian EAJk eta EAk atzera bota zuten proposamen berdina eta oraingo honetan, "EAJ, EA, EAE eta Aralarrek" atzera bota dute, bere ustez. Azkenik, etsigarritzat jo du ezkerreko botoak horrela erabiltzea.
Talde Mistoaren misterioa
Legealdia abiatu zenean, Talde Mistoa eratu zen EA, EAE eta Aralarren kide banak osatuta. Alde batetik, hauteskundeen ostean EB eta Aralar banandu izanak eta, beste aldetik, Espainiako Alderdien Legea ezartzean EAEri botoz jasoko lituzkeen hainbat legebiltzarkide onartu ez izanak batu ditu hiru alderdiak Talde Mistoan. Horren eraginez, alderdi horiek batzordeak banatu egin dituzte eta, kasu honi dagokionez, Azpiegitura, Garraio eta Hirigintza Batzordean Talde Mistoaren ordezkaria Joseba Andoni Gezuraga Uribarren da, Eusko Alkartasunekoa.
Metroaren ordutegia ez zabaltzearen errua Aralar, EA eta EAEri bota die Ezker Batuak
2007ko abe. 17a, 14:30
"Metroaren ordutegia zabaltzeari ezetz esan diote". Horrela azaldu du EAJ, EA, Aralar eta EAEko jarrera Jose Ferrera Ezker Batuaren Bizkaiko Legebiltzar Taldearen bozeramaileak. Ferrerak hizpide izan du pasa den ostiralean Bizkaiko Batzar Nagusietako Azpiegitura, Garraio eta Hirigintza Batzordearen bilkuran bere taldeak, PPk eta PSE-EEk batera aurkezturiko proposamenaren aurkako emaitza. Arauz besteko proposamenak (pdf) ibilbide guztian metroak goizeko 5etan ibiltzen hasi eta gaueko 12etan geldi daitezela eskatzen zuen, lurraldean jasotako milaka sinaduren babespean. EAEk eta EAJk zuzenketa bana (pdf) aurkeztu zuten, ordutegi zabaltzea gauzatuz gero, aurretik ikerketa bat egin dadin. EBk, PPk eta PSE-EEk besteen zuzenketak alboratuz gero, EAJk eta Talde Mistoa-EAren ordezkariek ezetza eman zioten testuari bi bozketetan. Argazkian, Ezker Batukoek metroen hasiera ordua aurreratzea eskatzeko sinadurak biltzen Berangon, 2005eko azaroan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun