"Islak" ikus-entzunezko poemarekin batera (argazkian, obraren irudia), "Bilbao en el alma de un violin" izenburuko trilogia osatzen dute oraingoko biek. Lehenengoa, 2006an estreinatu zuten eta hainbat herrialdetako 400 lan baino gehiagoren artean aukeratu zuten Habanako Arte Digitalaren VIII. Areto eta Solasaldietan, unibertsitateko iturriek nabarmendu dutenez. "Asfaltoko loreak" hamalaudun kateatuez egina dago; erritmo-egitura hori hitzak gaztelaniaz eta euskaraz esaten doazen gizon ahotsekin eta, aldi berean, entzuten den bibolin musikarekin uztartzen da. Lanaren edukia kanta botxero famatu batean inspiratzen da: "Bilbao es un bello jardin...", eta Bilbo alai eta koloretsua erakusten du, loreak maite dituena eta haiekin etxeetako balkoiak apaintzen dituena. Obra zentzumen gehiagoren bidez antzemateko, proiekzioa egiten denean, lore usainak zabalduko dituzte aretoan.
Txalaparta eta bibolina
"Estralurtarrek txalaparta ostu didate" lanaren izenburua, berriz, bideopoemako planoak lotzen dituen bibolin piezarena da. Izan ere, bibolinaren musikarekin tartekatuta, txalaparta entzu daiteke. "Mundu honetakoak ez diren indarrak (ala agian badira?) txalapartaz jabetu dira. Odolik gabeko eta fikziozko bataila baten ondoren, ostutako barnemuin musikal hori berreskuratuko da, eta haren itzulera suaren inguruan zerbitzatutako sagardoaz ospatuko da", dio egileak. Bideopoema musika-tresnen erritmora moldatzen saiatzen da, tinbre eta tono desberdinetako kolpeen kadentziara egokituz.
Julio Garcia Llopisen bideopoema berriak estreinatuko dituzte bihar EHUn
2007ko abe. 18a, 18:25
Asteazken honetan, abenduak 19, "Asfaltoko loreak" eta "Estralurtarrek txalaparta ostu didate" ikus-entzunezko poemen estreinaldia izango da, Euskal Herriko Unibertsitatean (EHU). Horien egilea Julio Garcia Llopis Gizarte eta Komunikazio Zientzien Fakultateko irakaslea da eta, poemek, Ricardo Odriozolak idatzi eta interpretatutako musika dute osagai. Horrenbestez, saio bi egingo dituzte: goizekoa 10:00etan izango da, Llopisek eskolak ematen dituen fakultateko Gradu Aretoan. Arratsaldeko ekitaldia, berriz, Bilboko Zazpi Kaleetako Esperientzia Geletan (Banco de España kalea, 2) egingo dute, arratsaldez, 19:30ean hasita. Saio bietan Ruben Isasi eta Argibel Euba txalapartariek joko dute. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun