Askatasunak zabaldutako oharra:
Errepresio frente guztiak irekiak ditu espainiar gobernuak, horretarako diseinatua duen plangintza errepresioak ezartzen diolarik noiz eta nor atxilotuko duen. Atzo Bilboko gazteak, gaur Batasunako kideak eta bihar nork jakin. Azkenean independentziaren aldeko borroka da suntsitu nahi dutena, eta horri erantzuten dio hiru hilabetean 170 atxilotu, 100 espetxeratu eta 25 torturatu utzi dituen plangintzak.
Baina gatazka politikoak ez dira espetxeetan, kalabozoetan eta epaitegietan konpontzen. Gogor joko dute, baina orain arte egin duen bezala herri hau zutik mantenduko da errepresioaren aurrean. Errepresioak nekez lortuko du independentziaren aldeko borrokarekin amaitzea.
Askatasunatik dei egiten dugu atxiloketa honi erantzuteko protestetan parte hartzera. Pasa den ostegunean milaka euskal herritarrek erakutsitako jarrera da aurrera begira mantendu beharrekoa; kalean, ikastetxean, lantegietan eta instituzioetan errepresioaren aurkako borrokari lotuz.
Fullaondoren atxiloketaren harira "errepresioaren aurrean zutik" mantentzera deitu du Askatasunak
Marije Fullaondo Batasuneko zuzendaritzakide algortarraren atxiloketa, Espainiako Gobernuak "diseinatua duen plangintza errepresioaren" barruan kokatu du Askatasunak. "Errepresio frente guztiak irekiak ditu" adierazi du erakundeak: "atzo Bilboko gazteak, gaur Batasuneko kideak eta bihar nork jakin. Azkenean independentziaren aldeko borroka da suntsitu nahi dutena, eta horri erantzuten dio hiru hilabetean 170 atxilotu, 100 espetxeratu eta 25 torturatu utzi dituen plangintzak", gaineratu du. Alabaina, nahiz eta "gogor jo", "independentziaren aldeko borrokarekin amaitzea" ez dutela lortuko ohartarazi die Askatasunak. Gauzak horrela, "errepresioaren aurrean zutik" mantendu eta atxiloketari erantzuteko protestetan parte hartzera deitu ditu herritarrak. Argazkian, Batasuneko kideen atxiloketa salatzeko urriaren 11an Algortan egindako manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun