Algortan, berriz, auto karabanan etorritako autoek behartu zuten Sarrikobaso kalea trafikoari ixten eta errepide horretan AAMko bozeramaileek adierazi zuten orain arte Rodriguez eta Gezuragarengatik izan duten kezka, oraindik beste atxiluengatik dutena. Ondoren, Jagona Terrones eta Marian Perez del Rio preso ohiek lore sorta bana eman zieten urriaren 16an atxilotu eta atzo kaleratutakoei, Gezuraga guztiz hunkituta zegoela. Aurreskuaren ostean, Itxaso Paya bertsolariak bi bertso abestu zizkien. Lehenengoan horrela hasi eta bukatu zuen: "Garai tristeak igaro dira / azken hilabeteotan / (...) / Halere zer ospatua / badaukagu gaur Algortan / Falta direnak ekarri arte / jarrai dezagun borrokan". Bigarrenean, ordea, Olentzerori gutuna bidali baino lehen oparia jaso izana bezala zegoela azaldu ostean "(...) asko falta dira baina / eutsiko diogu horri / (...) guztion partez / bihotzez ongi etorri" harrera egin zien bi gazteei.
Oraindik preso daudenei lore eskaintza
Ondoren, txanpainaren ordua izan zen, eta "barruan eta erbestean daudenak zein bere lagun eta senitartekoak" gogoan, botilak ireki eta brindisa egin zuten. Preso politikoen senitartekoentzat hitz berezi batzuk izan zituzten AAMko kideek: "ahal den heinean, festak ospatu eta borrokatzeko". Bestalde, "errepresio garai" honentzako "konponbide bakarra Euskal Herriak bere independentzia eskuratzea dela" irmo defendatu zuten.
Hori esanda, askatutako gazteek hitz egin zuten seirehun bat begi adi zituztela. Rodriguezek eskertu zuen harrera, presoen borroka babestera deitu eta Euskal Herriaren asakatasuna aldarrikatu zuen. Gezuragak berriz, "barruan gelditu direnen alde eta gure herriaren eskubideen alde lan egitera" animatu zuen bertaratutakoak. "Eusko gudariak" abestuta, Amnistia tabernan sartu eta Gezuragak eta Rodriguezek beren argazkiak batu zituzten. Alde egin aurretik, loreak jarri zituzten Getxo udalerriko presoen argazkietan.
"Azken boladan izan dugun albiste on bakarra". Horrela laburbildu zuten Algortako Amnistiaren Aldeko Mugimenduaren bozeramaileek 300dik gora lagunen sentimendua, Josu Rodriguez "Nekora" eta Txomin Gezuragari Algortako Amnistia tabernan atzo egindako harreran (bideoa). Izan ere, Leioako gasolindegian zein Itzubaltzeta / Romoko errotondan dozenaka lagunen animoak jaso ostean, 22:45ak aldera heldu ziren atzo arte preso egon diren Gezuraga eta Rodriguez Algortara, baita txalo zaparradaren eta autoen bozinen artean heldu ere. Josu Rodriguez izan zen lehena heltzen, zain zituen lagunak besarkatzeko. Txomin Gezuraga bost minutu beranduago heldu zen, ukabila altxatuta, eta inguruan zeuden guztiei musu, besarkada eta bostekoak banatzen. Euskal presoak etxeratzeko eta amnistiaren aldarrikapenak ozen entzun ziren ekitaldia iraun bitartean. Bestalde, Parot Doktrinaren aurkako egunean, Itzubaltzeta / Romon, 40 bat lagun giza katea egin zuten iluntzean eta 150 inguruk parte hartu zuen gaueko ekitaldian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun