Romo Haurrak taldea, berriz, Arenas eta Gernika taldeen aurka lehiatu da gaur Galdakaoko Santa Barbara udal futbol zelaian eta baliteke Getxo udalerriko talderen bat biharko sailkatu izana. Izan ere, Asier Vesgaren omenezko IV torneoan, talde bakoitzeko ordezkari bat sailkatzen da eta sailkatutakoen artean hiru pasatzen dira finalera, larunbatean eta igandean jokatuko dena.
Romo Kimuak C taldeari dagokionez, Trapagaranen lehiatuko da etzi, larunbata, Zartada Torneoan. Egun berean, Romoko benjaminak Santurtzin izango dira, San Jorge udal futbol zelaian, Santurtziko Torneoan garaitzeko asmoz. Finalak hurrengo egunean izango dira. Azken torneoa, 2008ko urtarrilaren 4an egingo den IV Urdaibai Torneoa izango da, Romo Kimuak C taldea Gernikan izango dela.
Itzubaltzeta / Romoko Romo Futbol Taldeak antolatuta, bihar arratsaldeko 5etatik aurrera gazte mailako hiruko torneoa jokatuko dute Athleticek, Bizkaiko selekzioa eta Romo taldeak berak Gobela futbol zelaian. Antolatzaileek jakinarazi dutenez, lehenengo norgehiagoka Athletic eta bizkaitarren artekoa izango da. Ondoren, 6etan, lehiatuko dira aurreko partidaren galtzailea eta Romo. Ordu bat beranduago, Romok jokatuko du berriro, baina kasu honetan lehenengo derbyaren irabazlearen aurka. 20:00etan, berriz, sari banaketa egingo da. Bestalde, ezagunetarikoa bada ere, Getxo Udaleko Gabon Torneoa ez da egun hauetan Romo Futbol Taldeak jokatzen duen lehiaketa bakarra. Izan ere, Romo Kimuak A taldea (argazkian / Romo F.T.) bigarren gelditu zen Prima Fila Bizkaia Cup Torneoan pasa den igandean eta hori dela-eta etzi eta igandea bitartean Future Cup 2007 Torneoan jolastuko du. Getxo Futbol Taldea ere sailkatu egin da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun