A kategorian, Lehen Hezkuntzako 2. Zikloari dagokionean, Sopelako June Eizmendi Marcos izan zen irabazlea, "Liburutegi magikoa" ipuinarekin; jarraian, Olatz Martinez de Ibarreta Muñoz "Ausart lehoi txikia" istorioarekin, Aratz Manterola Lasa "Jon eta Xabier" ipuinarekin eta Unai Mendiburu "Sandaliadun txerria" lanekin geratu ziren.
B kategorian, Lehen Hezkuntzako 3. zikloan, Sopelako Aritz Lopez Zaldibar gaztearen "Jaingoikoa eta deabrua" ipuinak eskuratu zuen lehen postua. Helene Pardo Ajenjoren "Benetako istorioa" eta Amaiur San Pedroren "Lau abenturazale munduari bira" izan ziren bigarren eta hirugarren, hurrenez hurren.
Azkenik, C kategorian, Derrigorrezko Bigarren Hezkuntzako 2. Zikloko ikasleei zegokiona, Urdulizko Amaia Zelaia Salgadok "Agurra" ipuinarekin irabazi zuen. Jarraian, Oihane Manterolaren "Oihaneko historia", Magali Mosoren "Zer da loteria", Amaia Azkorraren "Indiaren begirada" eta Andoni Etxebarriaren "Plantazioa" sailkatu ziren.
June Eizmendi, Aritz Lopez eta Amaia Zelaiak irabazi dute Mankomunitateko ipuin lehiaketa
Uribe Kostako Zerbitzu Mankomunitateko X. Ipuin Lehiaketako sariak banatu ziren ostegunean Barrikako kultur etxean. Deialdia bost mailatarako egin arren, azkenean epaimahaiak hiru soilik saritzea erabaki zuen (Lehen Hezkuntzako 2. eta 3. zikloak eta Derrigorrezko Bigarren Hezkuntzako 1. zikloa), beste ipuinek saria jasotzeko besteko mailarik ez zutelakoan (Derrigorrezko Bigarren Hezkuntzako 2. zikloa eta 16 urtetik gorakoak). Antolatzaileek adierazi dutenez, guztira mankomunitatea osatzen duten udalerrietako 205 ikaslek aurkeztu zituzten euskaraz idatzitako lanak (84 A kategorian, 69 B kategorian, 50 C kategorian, bat D kategorian eta bat E kategorian). Juan Jose Ezpeleta Barrikako alkateak, Maria Esther Etxegarai Kultur zinegotziak eta Garikoitz Etxebarria Uribe Kostako Mankomunitateko Euskara teknikariak banatu zituzten sariak, material didaktikoa erosteko txekeak eta diplomak, hain zuzen. Argazkian, saritutako neska-mutilak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun