Gainera, medikuntzaren aurrerapenen eta bizi-iraupen luzearen eta Osakidetzak azken hilabeteotan egindako ebakuntzen kopurua areagotzearen ondorioz, Erkidegoko erietxeetan odol erreserbak jaitsi egin dira. Egoera horri aurre egiteko maiatzean martxan jarritako ez ohiko kanpaina emaitza onak ematen ari da baina Isabel Atxak azaldutakoaren arabera, “arreta deitzeko larunbatean Arrigunagako hondartzan egin nahi den ekitaldiak egiten segitu behar da”. Imanol Landa Getxoko alkateak, berriz, elkarteari eskertu dio “eskuzabalki egiten ari den lana” eta aldi berean mota honetako ekitaldietarako Udalaren laguntza eskaini dio.
Getxoko Odol Emaileen elkarteak giza bihotzari argazki bat aterako dio ondoren odol emateei lotutako kanpainetan erabili ahal izateko. Ekitaldian parte hartu nahi dutenek 10:30ean egon beharko dute hondartzan kamiseta eta txano gorria jasotzeko eta ondo kokatzeko. Argazkia 11:00etan aterako dute, eguraldi ona eginez gero. Bestela, datorren asteko larunbatera arte, hilak 19, atzeratu beharko da ekitaldia.
Larunbatean Arrigunaga hondartzan bihotz erraldoia osatzera deitu dute Getxoko odol emaileek
Getxoko Bihotz Handi Odol Emaileen elkarteak datorren larunbatean, uztailaren 12an, Arrigunagako hondartzara joateko deialdia luzatu die getxoztarrei, bertan giza bihotz handi bat osatze aldera. “Gaur egun gizartean dagoen odol beharraz herritarrak kontzientziatzea" da ekimen horren bidez lortu nahi duten helburua, Isabel Atxa Getxoko Odol Emaileen elkarteko buruak gaur goizean ekitaldiaren aurkezpenean azaldu duenez. Era berean, ekimeneko parte hartzaileak odola ematera animatuko dituzte, bertan izango den autobusean. Elkarteak gogoratu du odol emate kopurua gaur egun Getxo udalerrian eta Bizkaian eskasa dela oraindik, Mundu Osasun Erakundeak gomendatutakoaren azpitik: “Getxon gaur egun herritarren “%2,2 dira odol emaileak, Mundu Osasun Erakundeak gomendatzen duen %5etik nahiko urrun. 2007ko lehen seihilekoan Getxon 1.173 odol emate izan ziren eta aurtengo denboraldi berean 1.185”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun