Paul Asensio Algortako preso politikoa herenegun, urtarrilak 2, eraman zuten Ocaña I espetxera (Toledo), abenduaren 27tik egun horretara Valdemoron (Madril) izan ondoren, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Ocaña I espetxea Getxo udalerritik 495 kilometrora dago. Asensiorekin batera, 18/98 auziko kondenatu gehienak sakabanatu dituzte egun hauetan. Algortarra azaroaren 30ean atxilotu zuen Espainiako poliziak, Barrikako bere etxean, Espainiako Auzitegi Nazionalaren aginduz. Hasiera batean Soto del Realen (Madril) espetxeratu bazuten ere, Angela Murillo epaileak sententzia irakurri baino egun batzuk lehenago eraman zuten Navalcarnerora (Madril). Asensiori 11 urteko kartzela zigorra ezarri zioten, "erakunde terroristako kide izatea" egotzita. Argazkian, Paul Asensio algortarra (eskuinean) 18/98ko beste auziperatu batzuekin, 2006ko otsailaren 18ko Bilboko manifestazioan / 18/98+.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun