Bidaiaren hurrengo etapak horrela antolatu dituzte Errege Magoek:
Gorliz eta Plentzia:
- 18:00etan, kabalgata Gorlizko elizan hasiko da eta Plentziako Astillero plazara 20:00ak aldera helduko dira.
Larrabasterra eta Sopela:
- 18:00etan, zaldiz gaineko desfilea egingo dute Larrabasterrako Urgitxieta plazatik Sopelako Udaletxe plazaraino. Bertan, Uribe Basterra musika bandak kontzertua eskainiko du.
Astrabudua:
- 18:00etan, Errege Magoak Gazte Unamaz Alkartuak taldearekin batera irtengo dira kabalgatan.
Leioa:
- 18:00etan, Errege Magoak kabalgatan aterako dira Sakoneta polikiroldegitik eta Sabino Arana, Luis Bilbao, Libano, Boulevard eta Errekalde plaza igaro ostean, 19:00ak aldera Kultur Leioara helduko dira. Morroiek banatuko dituzten karameluek ez dute glutenik.
Getxo eta Algorta:
- 18:00etan, kabalgata probalekutik irtengo da eta Maidagan, Aingeruaren etorbidea, Telletxe eta Maria Andresena kaleetatik zeharkatu ondoren, Kasino plazan geldituko dira hiru erregeak. Ibilbidean zehar glutenik gabeko karameluak botako dituzte erret-morroiek.
- 19:00etan, erret-harrera eskainiko dute Errege Magoek Algortako Getxo Antzokian.
Erandioko Altzaga:
- 18:30ean, Errege Magoak Kabalgataren Lagunak taldearekin batera irtengo dira kabalgatan.
- 21:00etan, kotiloi antimonarkikoa Hegoalde kultur elkartean.
Berangon:
- 19:30ean, Errege Magoak metroz ailegatuko dira eta handik frontoira jaitsiko dira. Bertan beren historiaren antzezkizuna eta txokolatada egongo da. Ondoren, nagusientzako dantzaldia izango da Menta orkestrak gidatuta.
Areeta eta Itzubaltzeta / Romo:
- 19:30ean, kabalgata Zugatzarte etorbidetik irtengo da eta Areetako etorbidea, Kale Nagusia, Ezekiel Agirre, Kresaltsu, Gorbeia Mendia eta Gobelaurretik igaro ostean, erregeek atzera egingo dute. Ibilbidean zehar glutenik gabeko karameluak botako dituzte erret-morroiek.
- 20:15ean, erret-harrera eskainiko dute Errege Magoek Areetako Andres Isasi Musika Eskolan.
Ekialdeko Errege Magoek arratsaldeko 5etan ekin diote Uribe Kosta eta Erandiotik ilundu arte, euriari aurre eginez, burutuko duten kabalgatari. Aurreko egunotan Olentzerori esker Espainiako Atzerritartasun Legeak Baltasarri ukatzen zion bisatua lortu eta Barakaldon bertako Udalak mantentzen duen gizarte politikaren aurka mintzatu ostean, gaur hasi dira bisita Leioako Lamiako auzoko antzokian. Ia eskualde osoa segizioan gurutzatu ostean, gauean Olentzerorekin hitzartuta dituen etxeetara joango dira neska-mutilei opariak uzteko. Bitartean, oraindik gutuna, sms edo posta elektronikoa bidali ez dituztenentzat badago aukera opariak eskatzeko. Bere aldetik, erregeen morroiek txokolatea, karameluak eta glutenik gabeko litxarreriak banatuko dituzte tokiko ohituren arabera. Bestalde, Erandioko Altzaga auzoko Hegoalde kultur elkartean kotiloi antimonarkikoa ospatuko dute 21:00etatik aurrera. Argazkian, Errege Magoak Barakaldon / Pititako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun