Beharrezko ikerketak eginda, susmagarriak lehen solairuko etxebizitza batean zeudela ondorioztatu zuten. Bertara igotzerakoan, poliziek etxebizitza horretako leiho batetik barruko patio batera zenbait objektu botatzen ari zirela entzun zuten, tartean, dokumentazioa ugari zuten lau zorro, lau poltsa eta gerriko lau poltsa.
Ertzainak etxebizitzara sartu ziren maizterren baimenarekin, eta bertako bizilagunetako bi atxilotu zituzten leihotik botatako gaiak ostutakoak zirela baieztatu eta maletatxoaren jabeek lapurrak horiek izan zirela adierazi ondoren. Ordu batzuk geroago, Ertzaintzaren patruila batek ustezko beste inplikatu bat aurkitu zuen etxebizitzan, eraikinaren horma eskalatu eta sukaldeko balkoitik sartu zena. Barruan, ostutako ordenagailu eramangarria zuen maletatxoa atzeman zioten eta, hori dela eta, gizonezko hori ere atxilotu zuten. Bestalde, Ertzaintzak ikerketa abiatu du atxilotuek bota zituzten objektuak non eskuratu zituzten argitzeko.
Ertzaintzak 30 urteko A.M. eta A.A. zein 26 urteko K.H. gizonezko gazteak atxilotu zituen atzo, igandea, Erandion, taxi baten zain zeuden bikote bati ordenagailu eramangarri bat ostu izana egotzita. Lapurreta goizeko 6:20ak aldera gertatu zen Txorierriko udalerrian bertan. Herrizaingo Sailak jakinarazitakoaren arabera, gizon-emakume bi aireportura eraman behar zituen taxi bat iritsi bitartean maletak atarira jaisten ari zirenean gizonezko bi bertara sartu ziren eta barruan ordenagailu eramangarri bat zuen maletatxo bat ostu zieten. Ondoren, korrika aldendu ziren, harrapatutakoa aldean zeramatela, baina gizonezkoak atzetik jarraitu zien herri horretako erdiguneko etxebizitza bateraino, bertan babestu ziren eta. Biktimak Ertzaintzara deitu zuen eta zenbait patruila bertaratu ziren berehala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun