Etxebizitza arloan Udal Gobernuak mantentzen duen "pasibotasuna" frogatzeko, Ruizek gogoratu du 2008rako berriki onartu den aurrekontuan etxebizitzarako aurreikusitako gastu osoa 1.563 eurokoa baino ez dela, eta "barregarritzat" jo du.
Baina, hortaz landa, Erandioko Udal Gobernuak etxebizitza arloari emandako erantzun "ez-eraginkorra" egiaztatzeko beste datu batzuk azaldu ditu Javier Ruiz popularrak. Alde batetik, egungo hirigintzako plangintza garatzeko "ezintasuna" eta, zehazki, babestutako etxebizitza kopuru garrantzitsua eraiki behar duten aurreikusitako promozioak, Astrabuduako C2 edota Erandio Landako J sektoreak kasu. Gainera, Ruiz kezkatuta agertu da "EAJk administrazio izapidetzeetan
jarraitzen dituen onarpen erritmoak kontuan hartuz nekez argitaratuko dira legealdi honetan" Erandio Landako babestutako etxeen esleipenak. Beste aldetik, Erandio Landako 29. ekintza eremuan aurreikusitako giza etxebizitzen promozioa aurrera eramateko "borondate eza" leporatu dio Udal Gobernu Taldeari. Nahiz eta, beharrezko "lurraren zati handiena orain dela urteak erosi zuen Udalak".
257.000 euroko etxebizitza ordaintzeko 120.000 baino ez
Era berean, babestutako etxebizitzaren beharra Udalak berak eskatutako ikerketa batean jasotzen zela gogoratu du bozeramaile popularrak. Ikerketa horretan aipatzen zenez Erandioko etxebizitzen %14 baino ez zen Babes Ofizialeko Etxebizitza (BOE). Txostenean jasotako beste datu batzuk ziren udalerriko auzokideen %60k etxebizitza eskuratzeko askoz jota 120.000 euro ordaindu ahal izango zuela eta, berriz, %4k baino ez zuela gehienez jota 200.000 eurotara helduko etxea erosteko.
Horrekin batera, Ruizek kritikatu du azken urteotan Mikel Arieta-Araunabeña alkateak eta EAJk egindako udal kudeaketa, "dagoen beharra" asetuko lukeen babestutako etxebizitzak eraikitzeko lurra ez duelako erosten.
Erandioko txiroen kopurua eta etxebizitzen prezioa bikoiztu direla salatu du PPk
2002 eta 2007ren artean Erandioko etxebizitzen salneurria bataz beste %98an igo dela salatu du gaur Javier Ruiz Erandioko Alderdi Popularraren bozeramaileak. Izan ere, PPk emandako datuen arabera, 2002ko abenduan bataz besteko prezioa 130.000 eurokoa izan zen eta pasa den hilabetean, berriz, 257.000koa. Era berean, metro koadroaren prezioak 1.304 eurotik 2.571ra egin du jauzia. Gainera, igoera hori inguruetako udalerrietan izandako igoerak gainditu ditu, Bilbo, Getxo, Barakaldo, Portugalete edota Basaurin etxebizitza %20 eta %33 bitartean garestitu baita. Baina okerrena, popularren aburuz, da "igoera izugarri" horren aurrean tokiko agintariek izandako "pasibotasuna", Erandioko auzokideek etxebizitza batean sartu ahal izateko "neurri bat bera ere ez" dutela hartu. Gainera, PPk emandako datuen arabera, 2002 eta 2006 bitartean bikoiztu egin dira txirotasuna pairatzen duten erandioztarrak, gizarte laguntzak jasotzen dutenen kopurua %100 baino gehiago igo baita. Dagoeneko Bizkaiko bigarren udalerria da Erandio, Bilboren ostean, txiroen kopuruan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun