Balbina lau mila metrotara dagoen Andeetako herrixka batean bizi da. Bagualera da. Bere danborra hartu eta koplak abesten ditu, ahots zoragarri eta irrintziz lagunduta. Desagertu zen bere herriko hizkuntza eta gazteleraz kantatzen du orain. Gu euskaraz abesten entzun gaituenean irribarre batek zeharkatu du bere aurpegia. Eta baieztatu dugu amildegi kulturaletik hurbil bizi garenok begiradarekin elkar ulertzen dugula. Estatua duten kulturetako biztanle elebakarrek sekula sintonizatuko ez duten dial baten bidez.
Txalupa gure zain dago, eta Uruguaira abiatzeko garaia da. Abel Soria eta Cesar Lucennoren bat-bateko poema zoragarrien zein parlamentuko sesioak payadoreen desafioak entzuteko eteten zituen herrira. Euskaldunak espainiar torturatzaileen esku eror ez zitezen, bere seme-alaben gorpuak espaloian ikusi zituen herriarentzat dira gure bertsorik ederrenak.
Fredi Payak gaur "Berria"n argitaratutako artikulua
Fredi Paya: "matez mate"
2008ko mar. 28a, 09:01
Pampak itsaso berdea dirudi. Begiak ortzemugan galtzen dira, "boliche"-etako milonga gauak baino luzeagoak diren belardietan. Euskal jatorriko jendearekin egiten dugu estropezu behin eta berriz, abizen errezitaldiak dira bertako euskaldunek garatutako literatur generoetako bat. Eta ni birritan arrotz sentitzen naiz, ez euskal abizen ez argentinar azenturik. Bertsotan, dezimetan edo soinua astintzen hasi arte. Ondorioa definitiboa da: ez dago aberririk kulturaz harago. Eta mezu hori izan zen Chascomuseko antzoki kolonial ederrean Argentina, Euskal Herri eta Brasilgo bat-bateko bertsoekin ospatu genuen Aberri Egunaren muina. Argazkia: Koska irratia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun