AAMren hitzetan, "argumentu bera erabiltzen ari da egunotan Espainiako Auzitegi Nazionaletan egiten ari den 33/01 epaiketako fiskalak: tortura salaketak artxibatzeak frogatzen du torturarik izan ez zirela". Saratxagaren kasuan, gertaerak izan zirenean espetxean zegoen. Hala ere, ertzain etxean egindako deklarazioetan ekintza horretan parte hartu zuela esan ei zuten inkomunikatuta zeuden atxilotuetako batzuek… "Deklarazio horiek zelan egin ziren nahiko adierazgarria benetan", dio errepresioaren kontrako erakundeak.
Hitzaldiak
Hain zuzen ere, Etxerat, Askatasuna, Senideak, Amnistiaren Aldeko Batzordeak edo Euskal Herriko Giza Eskubideen Behatokia erakundeetan lan egiteagatik 27 euskal herritarrei egiten ari zaizkion epaiketa dela eta, hitzaldi bana izango da maiatzaren 9an eta 15ean, Berangoko kultur etxean eta Algortako Aldai kulturgunean (Itsasgane). Lehenengoan, 33/01ean auziperatutako Uribe Kostako bi lagunek, Mitxel Sarasketa getxoztarrak eta Jagoba Terrones berangoztarrak, hartuko dute hitza. Bigarrenean, berriz, Juan Antonio Madariaga edukiko du lagun Sarasketak. Bi saioak 19:30ean izango dira.
Bost urteko espetxe zigorra jarri diote Urtzi Pauli
2008ko mai. 1a, 23:06
"2000ko irailaren 16an Galdakaon hainbat banketxeri egindako erasoetan parte hartu izana egotzita, 5 urteko espetxe zigorra (sententzia osorik pdf formatuan) jarri die Urtzi Paul algortarra eta beste lau gazteri Espainiako Auzitegi Nazionalak, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Gainontzeko 9 mutilak absolbitu egin ditu, horien artean, hurrenez hurren, Monterroxoko (Lugo, Espainia) espetxean eta Sorian preso dituzten Algortako Endika Lejarzegi eta Aimar Hidalgo, Zueran (Zaragoza, Espainia) dagoen Martin Etxegarai berangoztarra, Kepa Saratxaga eta Ekaitz Bilbao algortarrak eta Gontzal Gonzalez sopeloztarra. "Epaiketa torturetan oinarrituta zegoela (txostena pdf formatuan) salatu zuten gazteek. Hala ere, zigortu egin dituzte salaketa horiek artxibatu zituztela argudiatuta", gaitzetsi du errepresioaren kontrako erakundeak. Argazkian, 16 gazte bizkaitarrei urtarril bukaeran egin zieten epaiketaren harira, 200 lagun baino gehiago manifestatu ziren Algortan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun