Yahaira Agirre Espainiako judo txapelduna izan da 15 alditan baino gehiagotan kategoria desberdinetan, 57 kiloz azpikoetan. 2008ko bere lehen erronka nagusia Madrilen urtarrilaren 26an eta 27an jokatuko den Espainiako Txapelketa izango da. Bestalde, Pekingo Olinpiadatarako ordezkoa da eta, geroari begira, 2012an Londresen jokatuko diren olinpiadak ditu jomugan.
Imanol Landa alkateak, bere aldetik, lehen gala horren arrakasta nabarmendu zuen, esanez gainera, “behar beharrezko zela holako gala bat urtean zehar kirolariek ereindako uzta jasotzeko, eta udalerrian kirolaren alde lan egin duten pertsonen kiroltasuna eta kirola berritzeko eginahala eta ibilbidea eskertzeko ere”. Udal agintariak gehitu zuen beharrezkoa dela talde eta kirol elkarteekin lan egin eta beren lana aintzat hartzea, “Getxon kirola osasuntsu egotea ahalbidetzen dutelako”.
Yahaira Agirre judoka hautatu zuten atzo 2007ko kirolari getxoztarrik onena, Getxoko Udalak babestuta, Fadurako udal Kiroldegian ospatu zen “Getxo Sasoi-Sasoian” I. Kirolaren Galan. 300 lagun inguru bildu ziren ekitaldian eta horiexek emandako botoei esker izendatu zuten algortarra kirolaririk onena. Saria jaso eta bere alde emandako bozak eskertutakoan, kirolaria oso pozik agertu zen “egunean-egunean egiten dugun ahalegina aintzat hartu delako". Imanol Landa alkateak eman zion saria (argazkian) eta, hori, igaz judokak lortutako beste garaikur batzuei gehitu behar zaie, hala nola, Thailandiako Universiadan lortutako zilarrezko dominari, Espainiako txapeldunordetzari eta Egipton eta Finlandian erdietsitako urrezko dominei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun