Urtarrilaren 19tik aurrera ikasteko gelak zabalduko dituzte astebururo Leioako campusean
Euskal Herriko Unibertsitateko (EHU) Bizkaiko campusak ikasteko gelak zabalduko ditu bere ikasleentzat asteburuetan, larunbat honetatik aurrera eta azterketa garai osoan zehar, EHUko iturriek prentsa ohar bidez gaur jakinarazi duenez. Hain zuzen, lehenengo asteburu honetan, hilak 12 eta 13, Bilboko Ingeniaritza Eskolako ikasgelak (Luis Briñas kaleko sarrera) soilik egongo dira irekita. Gainontzekoetan, urtarrilaren 19an, 20an, 26an eta 27an, eta otsailaren 2an eta 3an, Leioa eta Erandioko Gizarte eta Komunikazio Zientzien Fakultateko ikasgelategia zabalduko dute; eta Bilbon Ekonomia eta Enpresa Zientzien Fakultateko eraikin nagusiko beheko solairuko gelak ere irekiko dira.
Asteburu guztietan ordutegia 9:00etatik 19:30era izango da. Leioa eta Erandioko campusean, larunbatetan, 9:00etatik 13:00etara Liburutegia Nagusia erabili ahal izango dute ikasleek eta, ordu horretatik aurrera, Gizarte eta Komunikazio Zientzien Fakultateko ikasgelategia. Guztira, 2.000 leku inguru eskainiko dira ikasteko, horietariko 1.150 Bilbon, eta EHUko ikaslearen txartela eskatuko da ikasteko geletara sartzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun