Merkatarientzat ere jaitsiera bera eskatu dute PPk eta PSE-EEk, "baita lokal komertziala kokatuta dagoen kalearen arabera gauza bat edo beste ordaindu behar izatea ere". Arruek eta Almansak emandako datuen arabera, Algorta edo Areetan erdiguneko kaleren batean kokatutako 50 eta 75 metro koadro arteko denda batek 439,40 euro gutxiago ordaindu beharko lituzke (egun 686,60 euro ordaintzen du).
Hobariak
Merkataritza eta enpleguari zuzendutako hobarien artean, honakoak aurreikusten dituzte: eraikuntza, obra eta instalazioen gaineko zerga %95 murriztea; eta gazteek, emakume langabetuek, 45 urtetik gorakoek edota Behargintzak gainbegiratutako bestelako ekintzaileek zarama tasa ordaindu behar ez izatea jarduten hasi eta lehenengo bi urtetan, besteak beste. Familia ugarientzat, berriz, estolderia, zarama, administrazio agirien egiteko edota musika eskolan eta Hezkuntza Berezia zerbitzuetan izen-emateko tasak %50 jaistea eskatu dute.
Gaur goizean eskainitako prentsaurrekoan (argazkian), 2008ko tasak eta zergak aldatzeko proposamena aurkeztu dute Getxoko PPk eta PSE-EEk, "EAJren gobernu taldeak bere momentuan ordenantza fiskalen berrikuspena egin nahi izan ez duelako, neurririk gabekotzat jotzen ditugun hainbat tasa mantenduz". Gauzak horrela, zarama bilketagatiko tasa %86 murriztea eskatu dute, hau da, Iñaki Zarraoa jelkideak zuzendutako gobernu taldeak 2006rako igotzea erabakitako kopuru berbera. "Egun urteko 129,52 euro ordaintzen dugu getxoztarrok, Bizkaian bataz beste 70,54 euro ordaintzen diren bitartean", azaldu dute Marisa Arrue eta Luis Almansa popularren eta sozialisten bozeramaileak, hurrenez hurren. Jaitsiera aplikatuz, "66,92 euro ordaindu beharko genituzke, hau da, 62,6 euro gutxiago", zehaztu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun