Enpresen kudeaketako administrari laguntzaile ikastaroa antolatu du Getxoko Behargintzak

Getxoko Udaleko Enplegu eta Garapen Ekonomikoko Zentroak, Behargintzak, enpresen kudeaketako administrari laguntzaile izateko ikastaroa antolatu du. Gehien bat, hirugarren adinekoak, haurtzaroa eta menpekoen alorrak jorratuko dituzte. Getxo Ekinean III programaren barruan kokatuta, langabetuei dago zuzenduta, batez ere administrari-kudeaketan eskarmentua duten getxoztarrei. Parte hartzaileek hezkuntza teorikoa eta praktikoa jasoko dute eta, gainera, enpresa batean praktikak egiteko aukera ere edukiko dute. Horrekin batera, laguntza pertsonalizatua ere izango dute, etorkizunean lan gizarteratze eta lanbidea lortze aldera. Gainera, ikastaroan parte hartzen duten bitartean, diru laguntza jasotzeko aukera ere izango dute. Izena emateko epea urtarrilaren 22ra arte egongo da zabalik. Informazio gehiago eduki nahi dutenek Algortako San Martin kaleko 17 zenbakian dagoen Behargintza zentrora jo dezakete edo bestela honako telefono zenbaki honetara deitu: 944 660 140. Posta elektroniko helbidea: behargintza[abildua]getxo.net.