Berangoko Udalak begirale ikastaroa antolatu du, 1990eko azaroa baino lehen jaiotako neska-mutilentzat. Hala ere, udalerrian erroldatutakoei emango zaie lehentasuna. Urtarrilaren 19an hasi eta urteko azken aurreko hilabetean amaitu egingo da, teoria 200 ordu eta praktika beste 120 ordu eginez. Horrenbestez, ostiraletan, 18:00etatik 21:00etara eta, larunbatetan, 9:00etatik 18:00etara, izango dira eskolak, Santa Anako kultur etxean. Gainera, asteburupasako lau txango egingo dituzte gazteek. Praktikak, berriz, udan izango dira. Ikastaroa euskaraz izango da eta Gaztetxo Eskolak emango du. Izen-emateari dagokionez, Santa Anako kultur etxera jo beharko dute parte hartu nahi dutenek. Berangon erroldatuek 60 euro ordaindu beharko dute izena emateko unean eta gainontzekoek 110 euro. Ikastarorako, berriz, beste 240 euro eman beharko dituzte batzuek zein besteek. Hori bai, azken hori, aldi berean zein epeetan ordaintzeko aukera egongo da. Argazkian, Algortako Itxartu Gaztetxoen begiraleak haurrekin 2005ean Algortan egin zen Gaztetxo Eguna iragartzen.
Udal iturriek argi utzi dute homologatutako ikastaroa izateaz gain, behin amaituta Eusko Jaurlaritzak banatzen duen agiria jasoko dutela parte-hartzaileek. Horretaz gain, Berangoko Kultur eta Gazteria Arloko lan-poltsak sartzeko aukera izango dute neska-mutilek. Matrikulatzeko epea urtarrilaren 11ra arte jarri bazuten ere, tokiak geratzen direnez, luzatu egin dute. Beran, informazio gehiago nahi dutenek 946 681 179, 946 682 143 edo 946 680 008 telefono zenbakira deitzea besterik ez dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun