Dagoeneko abenduaren 28an Getxo, Bizkerre, Galea eta Neguri futbol taldeek sinatu zuten hitzarmena Getxoko Udalarekin. Horrek, federatutako 600 bat jokalarirengan du eragina. Federatutako futbola finantzatzeko, 2008an, 2009an eta 2010ean 178.000 euroko gutxieneko kopurua bideratuko du tokiko Kirol Arloak. Iaz 60.000 euro eman zituzten. "Gainontzeko klubek ere bat egitea espero dugu", adierazi dute udal arduradunek.
Igerilekuen ordutegia
Bestalde, Algortako Fadura eta Itzubaltzeta / Romoko Gobela kiroldegien igerileku estalien arratsaldeko ordutegia luzeagoa da larunbatetan, igandeetan eta jai egunetan, urtarriletik aurrera. Getxo Kiroletako Zuzendaritza Batzordeak adostutakoaren arabera, ordutegi berria 16:00etatik 19:00etara izango da.
Eskolan futbola bultzatuko dute 12 guraso elkarte eta 8 kirol talde getxoztarrek
Getxoko Udalak 12 ikastetxe eta ikastola publiko zein pribatuetako ikasleen guraso elkarterekin eta 8 futbol taldeekin sinatuko du arratsaldeko 7etan, Algortako Villamonte kaleko kultur etxean, lankidetza-hitzarmena. Horren helburua maila federatuan zein udal esparruko Kirol Eskolan Getxo marka bultzatzea da, baita eskola kirola sustatzea ere. Hitzarmena honako hauek sinatuko dute: Galea, Bizkerre, Arraultzaldeon, Iturgitxi, Areeta, Romo eta Neguri klubek eta; Juan Bautista Zabala, Zubilleta, Romo, Larrañazubi, Andra Mari, Santisima Trinidad, Nuestra Señora de Europa, Azkorri, Madre del Divino Pastor ikastetxeetako eta Gobela, Geroa eta San Nikolas ikastoletako gurasoen elkarteek. Eskola mailan, hitzarmenak futbola baldintza, instalakuntza eta metodologia hobeagotan hezitzaile eta entrenatzailerekin praktikatzea sustatuko du, udal iturrien arabera. Udalerrian 450 bat umek praktikatzen dute eskola-futbola. Kirol Eskola martxan jartzeko eta kudeatzeko Koordinazio eta Kudeaketa Batzorde Nagusia ere sortuko dute, 9 lagunek osatuta; eta bere funtzioen artean futbola kirol eskolan antolatu beharko du. Eskola finantzatzeko 11.600 euro jarriko dituzte. Argazkian, maiatzaren 9an, 15 taldek eta 12 ikastetxetako gurasoen elkartek (IGE) sinatu zuten hitzarmena Getxo Kirolak udal erakundearekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun