Haurreskola zabalduko dute 2009rako Romo ikastetxean
2008ko urt. 21a, 16:46
Romo herri ikastetxeko eraikin hexagonalean 0 eta 2 urte arteko haurrentzako zenbait gela izango dira 2009-2010 ikasturtean, Eusko Jaurlaritzako Hezkuntza Sailaren menpe dagoen Haurreskola partzuergoak eta Getxoko Udalak lortutako hitzarmenari esker. Horrela aurreratu du gaur goizeko prentsaurrekoan Imanol Landa alkateak, “0 eta urte bat arteko 8 haurrentzako bi gela eta 1 eta 2 urte artekoentzat beste bi, bakoitzean 10 umerekin", izango direla zehaztuz. Eskaintza horrekin batera, urtearen amaieran Algortako San Inazio eskolan beste 8 gela gehiago ere ipini nahi dituzte martxan, 0 eta 2 urte arteko 84 ume artatzeko, une honetan hor egiten ari diren egokipen lanak amaitzen direnean. Doakoa zerbitzuak "ez du udalerriko haurtzaindegiekin lehian sartzeko asmorik", udal iturrien arabera. Hala ere, diru sarrera gutxi dituzten familiei laguntzak emango dizkietela aipatu du Landak.Imanol Landak esandakoaren arabera, udalerrian 0 eta 2 urte arteko haurrentzako gelak martxan ipintzea, “familia eta lana batera eraman ahal izateko egungo gobernu taldeak legegintzaldirako duen helburuan beste urrats bat ematea da; Areetan zabaldutako ludoteka (oraingo legegintzaldirako beste bat Algortan aurreikusita dago) da horren beste adibide bat; baita hemendik gutxira martxan jarriko den Algortako gaztelekua".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun