Landak nabarmendu du “abstenitu egin den bat izan ezik, Getxoko Udalean ordezkaritza duten sindikatu guztiek" onartu dutela proposamen hori. "Bai gobernu taldeak, bai langile erakundeek amore eman behar izan dute; hala ere, bi aldeek akordio bat lortzeko eduki duten borondateak proposamena lortzera eraman du", zehaztu du alkateak. Udal agintariak gogoratu du Euskal Funtzio Publikoaren Legeak zehazten duela aurretik aipatutako gaiak aldatzeko eman beharreko urratsak eta horregatik hortik kanpo ezin dela jokatu.
Lanpostuen balorazioa
Getxo PPk atzo bota zuen "lanpostuen balorazio eguneratua" egiteko eskaera eta, horren harira, biharko aurkeztu duen mozioa dela eta, "legegintzaldi honetan" egingo dutela adierazi du Imanol Landa alkateak. Hala ere, EAJk ez du popularren proposamena babestuko. Marisa Arrue tokiko PPren bozeramaileak azaldutakoaren arabera, "1987an egin zen lanpostuen azken balorazio eta, beraz, zaharkituta gelditu da". Bestalde, horren gaineko "hiru azterkelan egin eta ordaintzea, baina bat bera ere ez aplikatzea" egotzi dio tokiko gobernuari Arruek.
Getxoko udal langileentzako hainbat hobekuntza eztabaidatuko dituzte biharko osoko bilkuran
Ostiral honetan, urtarrilak 25, egingo den udal batzarrean, Getxoko Udalean ordezkaritza duten sindikatu guztiekin adostutako langileentzako hainbat hobekuntzei oneritzia ematea eskatuko du EAJ buru duen tokiko gobernu taldeak. Imanol Landak alkateak gaurko prentsaurrean jakitera eman duenez, proposamenak udaltzaingoen konplementu espezifikoaren aldaketa (lanari lotutako ezaugarriengatik) eta gaixotasunagatiko bajen ordainketei lotutakoak dira. "PPek eta PSE-EEk antzeko ekimen baten kontra bozkatu zuten abenduko osoko bilkuran, gobernu taldeak 2008rako Udal Aurrekontua aurkeztu ez izana argudiatuta. Espero dugu bihar kontrako jarrera ez agertzea oposizioko alderdiek, horri udal langileak zigortzea litzatekeelako”, adierazi du udal agintariak. Bestalde, aldi baterako ezintasunean laguntza ekonomikoa emateari buruzkoa akordioa adostu du sindikatuekin Getxoko Udalak. Argazkian, udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun