Olinpiadako probak hilean behin jokatuko dituzte uztailera arte, honakoak izango direla saio puntugarriak: frontoi txapelketa, mendi irteera, boleibol, futbito txapelketa, kukaña (hain zuzen ere, gazte egunean egingo den proba), ginkana eta, amaitzeko, herri kirolak uztailean. Koadrilen arteko egitarauarekin Itzubaltzeta gaztetxearen kideen asmoa koadrilen arteko harremanak sendotzea era partehartzaile batez.
Itzubaltzeta gaztetxearen etorkizuna kolokan
2008ko urt. 25a, 22:17
Itzubaltzetako koadrilen arteko olinpiadak abiatuko ditu bihar Itzubaltzeta gaztetxeak
2008ko urt. 25a, 22:17
Itzubaltzeta gaztetxearen ekimenez, bihar, larunbata, abiatuko dira Itzubaltzeta / Romoko koadrilen arteko olinpiadak. Goizeko 11etatik aurrera, herriko gazteek, binaka, esku-pilota eta pala lehiaketetan parte hartzeko aukera izango dute Romo eskolako frontoian. Gaztetxeak jakinarazi duenez, dagoeneko dozena bat koadrilak eman du izena baina olinpiadetako lehenengo probetan zenbat bikotek parte hartuko duten ez du izan zehazterik, gazte taldeek ez baitute kasu gehienetan bikote kopurua adierazi. Dena den, bikote mistoak lehenetsiko dituztela aurreratu dute. 13:00ak aldera, geldiketa egingo dute Gazteok Bat plataformak 14 gazteen aurkako epaiketa salatzeko ordu erdi beranduago Algortan deitutako manifestaziora joateko eta bueltan, Itzubaltzetako Bertso Eskolak emankizuna emango du finalak jokatu aurretik. Argazkian, olinpiadak aurkezteko gaztetxeak pasa den abenduaren 15ean burutu zuen txitxiburruntzi-poteoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun