Lurdes Velez: "Jon ospitalera joateari uko egin dio leku aldaketetan ematen dioten tratuagatik"
Lurdes Velez (argazkian lehenengoa eskumatik) Jon BIlbao Mororen bikotekideak "Gara" egunkariari eskainitako deklarazioetan nabarmendu du Asuako presoak osasun egoera "larrian" bizi duela: "iztai-etena pairatzen du eta hestegorria eta bista oso kaltetuta ditu, baina ospitalera joateari uko egiten dio leku aldaketetan ematen dioten tratuagatik. Txarto pasatzen du, okerren eramaten duena da hori. Bizkar eta hezurretako gaitzak ere jasaten ditu, eta medikuak oftalmologoarengana joateko esan dio, baina kaleratuko denean orduan joango dela dio... noizbait irtengo bada". Velezen aburuz, kartzeleroek asko eragin dute Jon Bilbaoren osasuna okerrerako bidean jartzeko: "okerrena tratu txarrak dira, psikologikoak eta ahozkoak, miaketak eta ziega aldaketak. Haiek badakite eta beti doaz bere aurka, ahulenaren kontra. Baita ni zirikatzen saiatzen dira ere, bis a bis-etan. Beste bisitak nire aurka jartzen saiatzen dira, baina ni isiltzen naiz".
Baina, Jon Bilbao Mororen egoera fisikoa txarra bada ere, psikikoki ondo dago, nahiz eta bere burua 1982an gelditu den: "memoria ikagaragarria dauka eta bere atxiloketari buruz atzo izan balitz moduan hitz egiten du. Nahiz eta gorputza kartzelan izan, burua hemen duela dio beti, baina dena aldatu dena kontuan hartuta aterako denean 'gida'ren bat lortu beharko duen jakin badaki ere".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun