Saioa Santxez berangoztarra joan zen astelehenean, urtarrilak 21, aldatu zuten Fleury Megorgisetik Versailleseko espetxera, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Versailles Paris mendebaldean dago, Berangotik 922 kilometrotara. "Saioa abenduren 5ean atxilotu zuten –Chateauneuf de Randon herrian (Lozere, Frantzia)– eta, harrez gero, isolamenduan bakartuta egon da Fleury Merogis espetxean. Orain, Versallesen Maite Juarros bilbotarrarekin batera dago", errepresioaren aurkako erakundeak adierazi duenez. Hain zuzen ere, hile horren 9an eman zuten Laurence Le Vert eta Marie-Antoinette Houyvet instrukzio epaileek Santxez eta berarekin atzeman zuten Asier Bengoa kartzelaratzeko agindua, abenduaren 1ean Capbreton-en bi guardia zibil "erail" izana, "helburu terroristak duen gaizkile elkarte" baten kideak izatea, "bahiketa", "armak erabiliz egindako lapurreta" eta "lapurreta saiakera", "armak hartu, garraiatu eta edukitzea" eta "agiri faltsuak erabiltzea" leporatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun