Sutea izan da Areetako etxebizitza batean

Iluntzeko 8:15ak aldera piztu zen sua Areetako Zugatzarte etorbideko 26. atariko etxebizitzan. Hala ere, ez zen zauriturik izan. Bestalde, joan den ostegunean, urtarrilak 31, gizon batek erredurak egin zituen eta kea arnastu zuen Sopelan, jantoki batean piztu zen sutea amatatzen saiatzean, DYAk eta Ertzaintzak jakinarazi dutenez. S.G.H. 28 urteko Plentziako bizilaguna jantokiko langilea da. Sutea zartagin batean eratu zen, Ertzaintzaren arabera. Sua piztu eta 10 minutura, 9:25ean hain zuzen, DYAko anbulantzia bat Gatxarriñe kalera bertaratu zen (han dago jatetxea), eta langilea Gurutzetako ospitalera eraman zuen. Argazkian, suhiltzaileak beste batean Areetan piztutako sutean.