Oinarrizko sukaldaritza ikastaroa ere izango dute neska-mutilek. Partaideek sukaldean jakin beharreko oinarrizkoena ikasiko dute, norbera bere kabuz elikagaiak prestatzeko gai izateko. Etxean eduki beharreko elikagiak ezagutuko dituzte eta hauek modu egoki eta gozoan prestatzen ikasiko dute. Astearte eta ostegunero egingo dute, apirilaren 1ean hasi eta maiatzaren 29ra arte (maiatzaren 1ean izan ezik). Guztira 17 saio izango dira, bakoitza bi ordukoa, 18:00etatik 20:00etara.
Perkusioa
Ikasleek bi ordu eta erdiko bost saiotan zehar tresna ezberdinen erabilera ikasiko dute: bateria, bongoak, kaja, kajoi flamenkoa, perkusio konboa, kongak, darbuka, djmebe, dum-dum, marimba, tambori edo bibrafonoa, besteak beste. Ikastaroa kultur aretoan egingo da, azteazkenero, maiatzaren 7an hasi eta ekainaren 4ra arte.
Gorputz adierazpena
Ikastaroa kultur aretoan egingo da ostiralero, urriaren 3tik azaroaren 28ra arte. Guztira 9 saio izango dira, bakoitza bi ordukoa, 19:00etatik 21:00etara.
Urtean zehar mekanika, sukaldaritza, perkusioa eta gorputz adierazpena lantzeko aukera emango die neska-mutilei Sopelako Gazte Bulegoak
Sopelako Gazte Informazio Bulegoak 16 eta 30 urte bitarteko gazteei zuzendutako hainbat ikastaro antolatu ditu aurtengo egitarauaren baitan. Interesatuek izena eman dezakete Hall Kulturalean 11:00etatik 14:30era eta 17:30etik 21:00etara, edo 944 065 519 telefono zenbakira deituz. Besteak beste, martxoaren 7an egingo den oinarrizko mekanika ikastaroan, motor edo auto gidabaimena duten sopeloztar guztiek esku hartu dezakete, udal iturrien arabera. Horren bitartez gurpilak, haizetakoak edota bonbilak nola aldatzen diren, kateak ipintzen eta olioaren maila ezagutzen ikasiko dute. Argazkian, hainbat neska-mutil blues eta jazz inprobisazioa ikasten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun