Uriaren aburuz, bukatu berri den legealdian Madrilgo Diputatuen Kongresuan PP eta PSOEk "alderdien ilegalizazioez edo terrorismoaz hitz egiteko" baino ez dute Euskal Herria mintzagai izan, eta Euskal Herriari buruz era "positiboan" eztabaidatu diren ekimenen %95 EAJ ordezkatzen duen Euskal Taldeak bultzatu ditu, "autonomiaren defentsa eta Euskadiren normalizazioa eta baketzea bermatuko duen akordia eskuratzea" hizpide.
"Askatasunak defendatzeko"
Era berean, "eskubideak eta askatasunak defendatzeko" egindako lana goraipatu zuen Margarita Uriak, "garai hauetan kalte handiak pairatu dituzten askatasunak berrezartze" aldera". Batez ere Botere Judiziala birmoldatzen saiatu direla azpimarratu zuen, "arlo horretako hainbat gunetan gertatzen ari dena eta".
Azkenik, "ekonomia zein jendarte gaiei loturiko politiken" aldeko lana izan zuen gogoan, "hirigintza, ekonomia edo lan sektore zehatzei dagozkien kontu zehatzen defentsan". Hor kokatu zuen Euskal Taldeak Getxo Antzokia zaharberritzeko Espainiako Aurrekontu Orokorretan eskatutako eta onartutako diru-kopurua, "udalerri honetako erdigunearen zaharberritze garrantzitsua" bermatuko duena.
Espainiako Kongresurako Bizkaiko zerrendaburuak Josu Erkoreka, Aitor Esteban, Pedro Aspiazu eta Ruth Martinez izango dira, Margarita Uria, Senaturako zerrendan joango dela. Bertan, Iñaki Anasagasti eta Inmaculada Loroño izango dira ere, Javier Maqueda senatari getxoztarra aurkeztuko ez dela.
Margarita Uria EAJko diputatuak Madrilen egindakoaz "kontuak ematera" etorri da
Datorren martxoaren 9ko Espainiako hauteskundeetan alderdi jeltzalea zergatik babestu behar den azaldu zuen atzo Negurin Margarita Uria EAJren diputatu eta senatarigai getxoztarrak, "Euskadin bizi naiz ni. Zu, non bizi zara?" alderdiaren lelopean. Uriaren aburuz, EAJk "Euskadi defendatzen du Madrilen eta Euskadira gatoz bueltan kontuak ematera". Izan ere, Euzko Alderdi Jeltzaleak Espainiako hauteskundeetarako aurre-kanpaina zabaldu zuen atzo Madrilen dabilen Euskal Talde parlamentarioaren hainbat diputatu eta senatariek Getxo udalerrira egindako bisitarekin. Neguriko udaletxean zein Algortako Getxo Antzokian Andoni Ortuzar Bizkai Buru Batzarraren lehendakaria, Margarita Uria bera eta Imanol Landa alkateak hainbat adierazpen egin zituzten politika orokorraz zein Getxo Antzoki berriarentzat EAJk eta PSE-EEk Espainiako Aurrekontu Orokorretan adostutako lau milioi euroko laguntzaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun