Bestalde, Espainiako Industria Ministerioari udalerriko auzokidek egindako galderak eta eskaerak igortzea ere adostu zen lan taldearen bileran; baita ahalik eta neurtzeko igorle gehien eskatzea ere, igorpenen etengabeko neurketa eduki ahal izateko, tokiko agintarien arabera. Datorren batzarra martxoaren erdialdean izango da, “telefonia mugikorreko antenak jartzeko, hirigintza kokapen egokienak erabakitzeko zein motatako ikerketa egin beharko litzatekeen adosteko”, azaldu du Arregik. Une honetan 44 antena dago udalerriko gune desberdinetan eta litekeena da datozen hilabeteotan kopuru hori areagotzea, esparru honetan etengabe sortzen ari diren beharrek bultzatuta. Horrela adierazi dute behintzat udal iturriek.
Zerbitzu publikoa
Horretaz gain, epe ertainera edukiko dituzten beharren aurreikuspenak argitzeko konpromisoa hartu dute operadoreek, kokapen egokiak zehaztu ahal izateko. Hirigintza zinegotziak argitu duenez, telefonia enpresek "Industria Ministerioak emandako baimena aurkezten badute, antena jartzen utzi beharko du Udalak, zerbitzu publikoa delako”. Ildo horretan, Arregik esan du, informazio guztia auzokideei ematen "segituko" dutela. "Auzokideak lasaitzeko helburuarekin", Industria Ministerioak informazio kanpaina egitea ere egoki ikusten du, "antenak zer diren eta zer igortzen duten azaltzeko”, gaineratu duenez. Udalaren iritziz, Areetako Xake plaza eta Algortan dauden Uribe Kostako Eguneko Zentroa edo Osasun Zentroa toki egokiak izan daitezke erradiazio neurtzaileak jartzeko.
Getxoko telefonia antenek legeak mugatutakoa baino gutxiago kutsatzen dutela diote
2008ko ots. 6a, 21:08
Urtarrilaren 30ean bildu zen bigarrengoz Getxo udalerrian telefonia antenen eta Interneten instalazioa arautzeko lan-taldea. Batzar horretan, telefonia estazioen igorpenak legalki ezarritako mailaren azpitik daudela onartu zuten partaide guztiek, Joseba Arregi Hirigintza zinegotziak jakitera emandakoaren arabera. "Erakunde bakoitzak dituen eskumenak argitu eta egitura mota horiek jartzea beharrezkoa dela baietsi ere" egin zela gaineratu du udal arduradunak. Antena Ez elkarteak, baina, "aho batez onartu egin zen gauza bakarra" lehenengoa izan zela adierazi du. "Guk aurkeztutako proposamen ugari atzera bota zituen Hirigintza zinegotziak, eskumenik ez dutela, gaizki planteatuta daudela (azterketa epidemiologikoa, adibidez) edo ezinezkoak direla (auzokoei antenen berri ematea) argudiatuta. Bada, prebentzio neurririk hartzea beharrezkoa ez dela dio Udalak, guztia legediaren barruan dagoelako; txosten zientifikoen (Bioinitiative) alarma-hotsek ez dute deus ere inporta", auzokide taldeak zehaztu duenez. Argazkian, hilaren 4ean Paulino Mendibil kaleko antenari hartutako irudia, Antena Ez elkartearen hitzetan. Bi langile ikusten dira bertan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun