Getxo Lan-In proiekturako dirua eskatu dio Europako Gizarte Fondoari Udalak
2008ko ots. 7a, 21:13
Europako Gizarte Fondoari 1.087.747,75 euro eskatzea erabaki du Imanol Landa jelkidea buru duen udal gobernu taldeak, "lan munduan sartzeko zailtasun bereziak dituzten pertsoei laguntzeko proiektu berria martxan jartzeko". Udalak “Getxo Lan-In, Getxo Laneratzen” izena duen egitasmorako nahi du dirua. Proiektuak 36 hilabeteko iraupena izango du, 2008ko irailetik 2011ko ekainera bitartean, eskaera onartzen baldin badute. Gehien jota eskatutako kopuruaren %50 eskuratu dezake tokiko erakundeak, hau da, 543.873 euro inguru. Europako Gizarte Funtsak Espainiako Herri Administrazioetako Ministerioaren bitartez egin du deialdia. Horren helburu nagusia da baztertuta geratzeko arriskuan dauden pertsonei, haurrei, hirugarren adinekoei eta menpekotasun egoeran daudenei laguntzea. Argazkian, Getxoko Behargintza.Begoña Ezkurra zinegotziak aipatu duenez, “Udalaren kezka handienetako bat da lana aurkitzeko zailtasun handiak dituzten pertsonak ditugula. Horregatik, tokiko erakundetik kanpo eskaintzen diren proiektuetan parte hartzea da Behargintzaren jardueretako bat, pertsona horiek laguntzeko asmoz. Izan ere, horiek askotan lana aurkitzeko baliabideak eskaintzen dituzte”. Getxoko Udalak 5 aldiz parte hartu du deialdi mota horietan, Europako Gizarte Fon doak finantzatuta, eta 260 pertsonari arreta eman diete, 153 baino gehiagok lana aurkitu dute, eta 250 enpresekin lanean aritu dira, udal iturriek emandako datuen arabera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun