Getxon aurkitutako lehergai bera erabili du ETAk Bergarako atentatuan

Getxoko Diliz estartan joan den urtarrilaren 31n aurkitutako garagardo upela amonitolez betea eta "zehaztasun handiz" prestatua zegoen, "Deia" egunkariak Ertzaintzako iturriak aipatuz gaur argitaratu duenez. Lehertzeko osagai elektronikoak bakarrik falta zitzaizkiola gaineratu dute. Era berean, "ontzia aurkitu zuten lekutik laupabost kilometrora jarriko zutela lehergaia ondorioztatu zuten ikertzaileek", egunkariaren arabera. Iturri berak zabaldu duenez, gauerdian Bergarako epaitegiko atean eztanda egin duen lehergailua ere amonitolez osatuta zegoen. Segurtasun indarrek azaldutakoaren arabera, nitrometanoa oso lehergai indartsua da eta ETAk erabiltzen duen lehenengo aldia da. Argazkian, ertzainak Dilizen / Imanol Landa.