Askatasunaren oharra:
Gaur goizean Ertzaintzak Ion Basabe, Imanol Larrañaga, Beñat Karrera eta Gotzon Amaro atxilotu ditu Bilboko manifestazioaren aurka burutu duen karga bortitzaren baitan. Une hauetan atxilotuen artean aurkitzen den Imanol Larrañaga Basurtoko ospitalean aurkitzen da Askatasunaren informazioen arabera.
Irakurketa:
Askatasunatik gogor salatu nahi dugu ertzaintzak Garzonen aginduak gogotsu betez protesta egitera Bilbora hurbildutako herritarrak eraso izana. PSOE-k egin duen apostu errepresiboari PNV-k egiten dion ekarpenaren lekuko izan gara beste behin Bilboko kaleetan.
Ilegalizazioen aurrean protesta egiteagatik erasotu gaituzte. Donostian erabakitzeko eskubidearen aldeko ekitaldian PNV-ko buruzagiek parte hartzen zuten momentuan, beraien aginduetara dagoen polizia ilegalizazioen eta eskubide urraketen aurka protesta egitera hurbildu diren herritarren aurka armen bidez oldartu da.
Ilegalizazioen aurka protesta egiteko zein bide ditu euskal herritarrak? Noiz arte jarraituko duzue entzutegi nazionaletik datozen erabakiak bete eta euskal herritarrak atxilotu, egurtu eta espetxeratzen?
Askatasunatik deia luzatzen dugu datozen egunotan eraso guzi hauei erantzun sendo bat ematera.
Askatasuna
Ertzainek Garzonen aginduak "gogotsu" bete dituztela salatu du Askatasunak
2008ko ots. 10a, 22:53
Gaur goizean Bilbon egitekoa zen manifestazioa eragoztean Ertzaintza Baltasar Garzon epailearen aginduak "gogotsu" eta "karga bortitzen" bidez bete dituela salatu du Askatasunak. Errepresioaren aurkako erakunde ilegalizatuak jakinarazi du Polizia autonomikoak atxilotutako lau lagunak Ion Basabe, Beñat Karrera, Gotzon Amaro eta Imanol Larrañaga (argazkian) direla. Azken horrek oraindik ere Basurtoko ospitalean jarraitzen du. Askatasunaren aburuz gaur gertatutakoa "PSOEk egin duen apostu errepresiboari PNVk egiten dion ekarpena" baino ez da izan eta azpimarratu du "ilegalizazioen aurrean protesta egiteagatik erasotu gaituztela" ertzainek, hain zuzen ere, "Donostian erabakitzeko eskubidearen aldeko ekitaldian PNVko buruzagiek parte hartzen zuten momentuan". Azkenik, deia egin diete herritarrei hurrengo egunotan erantzun sendoa emateko.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun