Atxilotuen zerrenda:
-Karmelo Landa, Bilbon.
-Sonia Jacinto, Errenterian (Gipuzkoa).
-Jesus Mari Agirre, Bizkaian.
-Aitor Arantzabal, Bergaran (Gipuzkoa).
-Mikel Etxaburu, Bizkaian.
-Eusebio Lasa, Errenterian (Gipuzkoa).
-Peio Xabier Galvez. Urretxun (Gipuzkoa).
-Mikel Garaiondo, Leitzan (Nafarroa).
-Joseba Zinkunegi, Elgoibarren (Gipuzkoa).
-Josetxo Ibazeta, Donostian.
-Iñigo Balda, Donostian.
-Txema Jurado, Arraitzen (Nafarroa).
-Karmele Aierbe, Ataunen (Gipuzkoa).
-Nuria Alzugarai, Kordoban (Andaluzia, Espainia). Preso bat bisitatzera joana zen.
Goizeko ordu txikietan Batasuna, EHAK, EAE eta ezker abertzalearen 14 kide atxilotu ditu Espainiako Poliziak Baltasar Garzon epaileak zuzendu duen operazioan, Berria.info-k zabaldu duenez. Espainiako Auzitegi Nazionaleko epaileak Batasunaren Mahai Nazionala berregiteko ahaleginean aritzea leporatu eta, beraz, "erakunde terroristako" kide edo laguntzaile izatea egotzi die, Espainiako hauteskundeetarako hilabete bat baino gutxiago falta denean. Hori izan da Estatu Espainiarreko erakunde baten lehenengo ekimena atzo ezker abertzalearen 50 bat lagunek ostegun honetarako, San Balentin eguna, greba orokorra deitu zutenetik "salbuespen egoera" salatzeko. Atxilotuen artean Karmelo Landa, Eusebio Lasa (argazkian, atzo Bilboko manifestazioan), Karmele Aierbe eta Mikel Etxaburu daude. Atxiloketez gain, 20 bat miaketa egin dituzte 400 bat poliziek, tartean atxilotuen etxebizitzak eta EAEren egoitzak Iruñean eta Barakaldon. Horiek eta EHAK Donostian dituen bulegoak itxi dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun