Itsas mundua "maitatzen" erakutsi nahi die eskola umeei Getxo Aquariumek

Erabiltzailearen aurpegia Ukberri 2008ko ots. 11a, 22:45
Getxo Aquariumek bi helburu nagusi jarri dizkio bere buruari 2008rako: alde batetik, itsas-mundua eskola umeei hurbiltzea; eta bestetik, behin-behineko erakusketak antolatzea, akuarioko bisita kopurua handitzeko asmoz. Keltse Eiguren Ingurumen zinegotziak ostiraleko prentsaurrekoan adierazi zuen neska-mutilei itsas hondoak duen garrantziaz kontzientziatzea "oso garrantzitsua" dela: "azken finean, itsas mundua erakutsi nahi diegu eskola umeei, ezagutu eta disfrutatu ondoren maitatzea lortuko dutelako”, gaineratu zuenez. Getxo Aquariumek urte honetan garatuko duen beste helburua hauxe da: bisitarien interesa piztu nahian, behin-behineko erakusketak antolatuko dituzte. Horiei buruz ere mintzatu zen Eiguren: “pertsonen interesa piztu nahi dugu, eta horretarako hauen ezagutza maila handituko dugu”. Argazkian, bost marrazoetako bat / Imanol Landa
Abenduan Donostiako akuariotik ekarritako momar familiako marrazoei dagokienez, orain arte animalien eboluzioa ona izan dela nabarmendu zuen Ingurumen zinegotziak. Bost arrautzetatik, urtarrilaren 18an jaio zen azkena. Eigurenek marrozo mota horren ezaugarri nagusiak zeintzuk diren gogoratu zuen: momarra metro erdiko luzera izan dezakeen marrazoa da, gure kostaldean bisi da eta pertsonei ez die kalterik egiten. Azkenik, udal arduradunak gogoratu zuen Getxo Aquariumek bi zati ezberdin dituela; alde batetik, Kantauri itsasora dekikatuta dago; eta bigarren, Indo-pazifikoko paradisuetara. Algortako akuarioko ordutegia hauxe da: asteartetik igandera, goizeko 10:30etik 14:30ak arte, eta 16.30etik 20:00ak arte. Astelehenetan itxita egoten da, jaiegunetan eta zubietan izan ezik. Txartel-leihatila 19:30ean ixten dute.
Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun